Kulturë
Shahin Ibrahimi: Në ëndrrën e kaltërsive
E shtune, 07.11.2015, 05:33 PM
Shahin Ibrahimi
Në ëndrrën e kaltërsive
Ishe mes nesh për bukuri
Të mori pa të lajmëruar
Çishte ky fat ugurë zi
Për këtë zemër të përvëluar .
Si gjithmonë të shihja mirë
Të përshendeta dhe atë ditë
Zemra jote nuk shprehu dëshirë
Dorën ngrite, të shkëlqyen sytë.
Fati i gremisur të mbërtheu
Ty, në ëndrrën e kaltërsive
Pikëllim loti, malli të ktheu
Fatlum në mes të dashurive.
Vdekja ziliqare lakmon
Dhimbja përvëluese kafshon
Njerëzit kur veten e rregullojnë
Si lë, që ëndërrat ti shijojnë .
Mallit tënd do i vë zjarrin
Në shpirtin e trazuar më dallgë
Me kujtimin tënd do marr zallin
Për të larguar të shkretën brengë.
Pikëllimi, lot malli në sy
Rrjedhin ngadalë faqeve
Hidhërimin tonë për ty
Engjëjt do e shetisin maleve.
Pse vallë fati mizor merr
Lë në dëshpërim shum zemra
Imagjinatën e tij e quajmë tmerr
Jetët tona i quan lodra .
Na jep kujtimet e tua në trastë
Të zbehura vinë me dashuri
I mer me forcë në dashtë
Veç imazhi mbetet i freskët në sy .
Vdekja të mori, por i gëzur ike ti
Megjithëse me jetën s`ngopesh asnjëherë
Gëzimin e parë të freskët ke në sy
Me të rri afër, mbaje në prëhërë.
Menduan se të shtuan jetë
Me një përkushtim të pa parë
Në spitalet moderne më të shtrenjtë
Me përkujdesje, respekt familjar .
Varkën, mbi lumin harbut, jetë
Era e fatit i ndryshoi drejtim
Tashmë që ti, ta shijoje i qetë
Të mori, na futi në dëshpërim.
Fati në jetë sna ka buzëqeshur
Më çorbë na ka ushqyer
Më në fund me një kupë mbushur
Me zeherin tënd për të na lyer .
Përmallshëm, nderojmë kujtimet
Ti nuk le asnjë dëshirë
Ti ishe idhulli i mëshirimit
Fjala jote për ne, ishte yndyrë .
Shiu që bie i krypur do jetë
Si loti që ne të dhurojmë
Kujtimi jonë kufij sdo ketë
Me të faqeve do të kujtojmë.
Mosha jotë s`ishte për të na lënë
Tani, ne të donim për çdo gjë
Të përcollëm, por s`do të harrojmë
Fole ke bërë, ti në zëmrën tonë.
Kushtuar shokut të fëminisë GËZIM ISLAMIT.
Rrugë për etje
Përmbrënda kishin zemrën e vrarë
Me vete trastën me bukë thatë
Fytyra ju shprehte vetëm marazë
Të mërzitur ngjiteshin në malë.
Të frikësuar shikonin për rreth
Donin ta njihnin mirë atë vënd
Por çdo hap trishtimin mbjell
Për herë të tjera ta mbanin mënd.
Tokat djerrë dhe shtëpitë pa njerëz
Në fshatrat e thella të vëndit tonë
Se s`punonin, që të jetonin me djersë
I till ishte ky fshat kufitar malor.
Varfëria i verboi, lanë dhe ç`kishin
Ashtu si ne që ikëm me bukë thatë
Për mirë u larguan se njerëz ishin
Njëri u mbyt në det, tjetri u bë qytetar.
Kudo që shkojnë djersën e tyre hanë
Qetësi e gëzim, s`ju ka zemra e shkret
Djersën që derdhin mes tyre e ndajnë
Përsëri kthehen, se dheu i huaj si tret.