Kulturë
Ramiz Lushaj: E pazakontë do të ndodhi në Prishtinë
E enjte, 14.05.2015, 07:31 PM
KJO E PAZAKONTË DO TË NDODHI NË PRISHTINË
Nga Ramiz Lushaj
Miku im i mirë Dëfrim Cani më teli dje lajmin se në murin e tij në fb, dr. Islam Lauka, ish ambasador i Shqipërisë në Kosovë e paska publikue një promovim libri më 14 maj 2015, 0ra 11.00, në Bibliotekën Kombëtare e Universitare në Prishtinë të poetes Zyra Ahmetaj. Ai ishte i mendimit ta uroja e ta falenderoja nga largësia Tiranë me zë apo mesazh. E pashë tevona. Sigurisht meriton mirënjohe publikisht. Diçka e pazakontë. Pse?
Shqipëria
me dy shtetet e saj, në dy kryeqytetet
Tiranë e Prishtinë, ia ka mbrri që dhe ambasadorët e politikës kombëtare
shqiptare, si ky shembulli i dr. Islam Lauka në Prishtinë, të merren me
organizimin e një promovimi libri deri në detaje, tek lajmtaria në fb, tek
sigurimi i pjesmarrjes. Për gjithçka. Shqiptarisht. Shpirtërisht.
Libri
poetik “Alfabeti ynë” i Zyra Ahmetaj është për fëmijë. E ceka kit’ fakt se
shpesh herë njerëzit që kapin lartësi
harrojnë se kanë ecë dhe caca-caca.
E fundit, që mund të ishte dhe në vargni kryefjale, si tjetër e veçantë: poetja Zyra Ahmetaj, autore e disa librave për fëmijë e të rritur, tash 40 vjet është invalide, me aftësi të kufizuara apo me term shkencor “paraplegjike. Më duhet të kujtoj diçka: shumë njerëz të mëdhenj të botës ishin invalid, si presidenti amerikan Franklin Ruzvelt, që nga karroca e tij e invalidit udhëhoqi edhe koalicionin fitimtar treshe në Luftën e Dytë Botërore. Poetja Zyra gjithkahit ecën me karrocë, sikurse dhe më 14 maj 2015, ora 11.00, në Bibliotekën Kombëtare e Universitare në Prishtinë, në promovimin e librit të saj. Më duket sikur libri i saj i paradokohshëm “Flutuojnë engjëjt” i përket së parit asaj që po fluturon lartësive të jetës, të kohës. Ajo, Zyraja, është vlerësuar me titullin “Krenaria e Qytetit”nga Bashkia e qytetit tim alpin, nga bashkia e Bajram Currit. Boll me vend, me plot të drejtë. Prej kohësh, Zyraja është kryetare e dëgës së Tropojës për shoqatën bamirësë “Shpresë e dashuri”. E zgjedhur antare nderi e disa klubeve letrare dhe në Kosovë. Si rrallkush dinë ta qëndisin një kostum kombëtar shqiptar si për hobi nga fëmijëria dhe për të siguruar një jetë sa ma të mirë për veten e saj si, për familjen e saj disa antarëshe. Ka marrë pjesë në disa panaire kombëtare e ndërkombëtare. Ajo, në rininë e vet ma të hershme ishte një volejbolliste e njohur dhe në veprimtari kombëtare. Një lexuese e apasionuar. Qysh atëherit shkruante poezi e mendonte të botonte libra.
Në vitin
1975, në moshën 19 vjeçare, kur autobuzi i aksionistëve shkollarë të Tropojës
po kthehej nga aksioni kombëtar në Kombinatin Metalugjik u rrëzue në Shpal të
Mirditës. Aty u aksidentua dhe poetja Zyra Ahmetaj. E çaun në Tiranë, në
Spitalin Universitar që sot mban emnin “Nënë Tereza”. Ato ditë ndodhesha me
shërbim nga gazeta “Zëri i Rinisë” në Elbasan. Kam shkue të nesërmen e
aksidentit me dhimbje panshqiptare dhe i kam takue të gjithë aksionistët, pasi
asokohe punoja dhe vet me rininë në rrethin e Tropojës. Dhe aty isha me kit,
status zyrtar. Ndër aksionistët takoj dhe Zyra Ahmetaj. Ajo i epte trupit të
saj të ecte, po nuk mundtte të ngrihej. I dveta doktorrët. Ata më thanë se e ka
të pamundur. Infermierë e familjarë i rrinin tek kryet me turne që Zyra të mos
lodhej me provat e saj të pafund për t’u ringritur në kambë. Donte të
fluturonte...
Tashti ecë me karrocë e ngrihet në kambë me paterica. Ka arritje në jetë. Një prej tyre është dhe libri me vjersha “Alfabeti ynë”. Vet ky promovim është diçka nga alfabeti ynë i kohës. Deshta që aty, më 14 maj 2015, ora 11.00, në kit promovim libri të Zyra Ahmetajt të ishte dhe Presidentja e Kosovës, Atifete Jahjaga, dhe ambasadorë të shteteve të ndryshme të botës të akredituar në Kosovë...Të ishim të gjithë.