Sevdail Hyseni: Alarmi

Sevdail Hyseni

Satirike

ALARMI

Alarmi i kuq po zbret nga qielli,

Si duket pajtohen hëna e dielli.

Ta mbushin mend planetin tokë

Për t’i vendosur saçin mbi kokë.

Motit të nxehtë mos t’i bëjë ballë,

Në temperatura deri dyzet shkallë.

Pastaj pas vapës vjen tjetri dënim:

Zjarre, tërmete, breshër e vërshim.

Nga gjitha fenomenet faktori njeri,

Fajtor kryesor në gara me gjithësi,

Provon të matet me forcë dhe dije,

Nuk e ndal dorën nga lufta me yje.

Rrezikon botën me armë bërthamore,

Me disa luftëra që i shkojnë për dore.

Por, s’ mund ta ndalte me muaj e vit,

Atë virusin vrastar, të quajtur  Kovid.

Sado acarohen kushtet klimatike,

Nuk mund t’i shkojnë ato politike.

Derisa të parat vijnë spontanisht,

Të dytat mbrapa e kanë një bisht.

Nga të gjitha sfidat, ato më drastike,

Padyshim se janë luftërat politike.

Nëpër betejat, që ndodhin si shpesh

Për pak Donald Trumpi, ngeli pa vesh!