Albert Habazaj: Gëzuar Vitin e Ri 2022!

Albert Habazaj në Qershiza, Tërbaç

KARTOLINË DIGJITALE:

Gëzuar Vitin e Ri 2022!

Albert Habazaj

Gëzuar! Nga shpirti nis urimin

Viti i ri të trokas me dritë në sy,

Në zemër dashuri e në sy blerimin,

Si gurrë burofsh, dymijë e njëzet e dy!

Gëzuar dhe për shumë e shumë vite,

Çdo fjalë mbushur kam me lule trëndeline,

Çdo fjale për tek ju i bëhet udha dritë,

Dhe pse s’vjen me aromën e një kartoline.

Me “Shqiponjat e Tërbaçit” për vendlindjen

Japim mesazhe zanash me këngë e valle,

Ato janë hyjnesha të traditës, them me bindje,

Zëri i tyre zgjon krojet ndër male.

Familjarë të mi, të afërm, miq e mikesha!

Çdo çast mjalt e lule t’i falim njëri-tjetrit,

Me ju qava tronditje, gëzime qesha,

Me ju freskoj frymën në valët e sinqeritetit.

31.12.2021