Sevdail Hyseni: Burrat nga stani

Sevdail Hyseni

Satirike

Burrat nga stani

(Versioni 2)

-Fër-fër-fër po bënë fustani,

Kur na vijnë burrat nga Stani,

N’ballë t’oxhakut vlon kusia

Me gëzim mbushet shtëpia!

Vlon kazani në oxhak

Jo për t’zier kaçamak,

Por për qejf e dashuri

Se lejleku nuk sjell fëmi’!

Eh, ç’na ishte kohë e artë,

Si për burra dhe për gratë,

Ndonëse kishte halle shumë

Gjendej kohë për ato punë !

Kurse tani o miqtë e mi

Prej se hymë në pandemi,

Me këto veset e shoqërisë

S’ka detyra të shtëpisë!

Shkon e vjen një kohë tjetër

Që se ka shijen e vjetër,

Me shumë pika lumturie

Pa “ndërskamca” dashurie!

Fër-fër-fër s’po bënë fustani,

Na mungojnë burrat nga Stani,

Kanë zënë vend në Qeveri

Nuk kanë kohë për dashuri !

(Karikatura marrë nga interneti)