Mevlud Buci: Vinte një vajzë e azdisur

VINTE NJË VAJZË E AZDISUR

 

MEVLUD BUCI

 

Vinte një vajzë e azdisur

Pantallonat mos më keq,

Dhe një plakë e shastisur,

Mallkonte :O haje dreq!...

 

Medet moj bijë e nanës

Se si qenke pulladis,

Me qerpikë si të zanës

Me brek grisur hiqesh mis..

 

 

PRIVILEGJ

 

Fliste për drejtësi,qëndresë,

Podiumesh a në tribunë,

Llafollogia e pabesë,

Pe netruesja me fjalët lumë.

 

Penetronte me fjalët lumë

Tri diploma marrë në Amerikë,

Ajo që ish ngjitur  pa punë …,

Në krye të partisë për hiç meritë.

 

Në krye të partisë për hiç meritë

Plot me farsa, ujë moçali,

Në ballë shkruar tradhtitë

Kohës llum porsi kanali.

 

Kohës llum porsi kanali,

Rrodhja e partisë,

Tre fytyra si tutkalli

Del e bën moral shoqërisë.

 

E dëgjojnë dhe nënqeshin

E dëgjojnë e bëjnë çudi,

Socialpisten e përqeshin

Ngjitur lart me dredhi…

 

 

LEKSION

 

Bëjnë çudi dhelpra dhe ngjala

Ç`ne  miu triumfon,

Veç moral bën e përdala

Ajo ngjitet, na jep leksion..

 

 

HUMANIZËM

 

Në një kohë me vite të arta

U zunë fort shati, lopata,

Lopata:o shatë shkreti,

Ti çdo herë tërheq për vedi.

 

Sa keq më vjen moj lopatë,

S`je për vete moj e ngratë,

Një i urtë ua tha prerë:

Humanizmi të jep vlerë…

 

 

IRIQI

 

Iriqi gjetkë tek ferra,

Ndërroi partitë si nga hera,

U krekos ndër komshi

Se u ngjit në qeveri.

 

Tha :fitova postomaninë

Tek Portal:Kuadër për Shqipërinë.

Kukurisnin një tufë derrash

Mjerë  kur prijnë iriqë ferrash…

 

 

QYTETAR NDERI

 

Seç u mblodh këshill I qarkut,

Dekoratë t`i japim Markut,

U lodh Saka ,i lodh Shota,

Të bëjmë sa më shumë vota.

 

Seç u lodh tezja Mamicë

Siguroi votat me shumicë.

 

Mijëra Euro dha Seferi

U bë Marku “Qytetar NDeri”.

 

Këshill dredhia-këshilla gallata:

Viva,viva dekorata…

 

 

DORACI

 

Një luani kryeneç

Me fuqi porsi zalli,

Seç e këshilloi një kec

Mos sulmo kot,do kapur doraci…

 

E kush është ky dorac që thua

Pyeti luani me mburromani,

Ti luan nuk je pallua,

Provat duan burrëri.

 

Qysh prej shekujsh tha i pari,

Mos bëj padrejtësi do kapur doraci…

 

 

SORRA

 

Me shami lidhur tek gusha,

Hidhej e përdridhej sorra,

qeshte mëllenja tek gëmusha,.

Bota u mbush me horra.

 

Me urtësi foli bilbili

Thatësia të lë  pa të korra,

Kur drejton ziligu e kopili

Ngjitet dhe drejton dhe sorra..

 

 

DHELPRA SHTETARE

 

Fol me gojë e gjetkë firmos

Hidh e merr konçensione,

Me vulë turpi u damkos,

E përdala gjitone.

 

Asnjëherë se kish menduar

Se do shuhej do dilte fare,

Ajo që u ngjit me të mshtruar

Mbet në Veting dhelpra shtetare…

 

Është Vetingu sitë e hollë

Është Vetingu garant fare,

I kap në lak gjarpër e bollë

Në lak ra dhelpra shtetare…