Demir Krasniqi: Gonxhe Manaku

GONXHE MANAKU

Këngëtarja e parë shqiptare e Radio Shkupit

-Teksti dhe muzika : Demir Krasniqi –

Mora çiftelinë e dola n’ ballë t’ oxhakut –

T’ ua këndoj një këngë burrave t’ konakut !

Këtë  këngë  prej shpirtit edhe prej marakut –

Ia kushtoi këngëtares sonë Gonxhe Manakut !

Kjo Gonxhe Manaku , bilbileshë  këngëtare –

N’ Maqedoni ishte  këngëtarja  e parë shqiptare !

Porsi një yll drite , lindë  nga Manastiri –

Këndonte këngë shqipe , si ishte ma s’ miri !

Gonxhja theu kanunet dhe  muret e turpit –

Dhe ia mësyu rrugës drejt  Radio Shkupit !

Para mikrofonit doli si këngëtare –

Këndonte këngë lirike nga bota shqiptare  !

Kur shpërndaheshin  valët e Radio Shkupit –

Sa tinguj të  këndshëm  na përshkonin  trupit !

Shpërhapej fuqishëm zëri i mrekullueshëm –

I këngëtares shqiptare  ishte i  paharrueshëm  !

Në  vitet e “arta “ të Radio Shkupit –

Valët e kristalta na përshkonin trupit !

Timbri i zërit t’ Gonxhes , këngëtare krenare –

Iu jepte gjallëri  gjithë këngëve  shqiptare !

Kur këndonte këngën:“Ani krisi pushka “ –

Zëri i saj jehonte në male dhe fusha !...

Kur këndonte këngën :”O n’ atë fushë mejdani” –

Zëri i saj jehonte kudo n’ tokë Dardani !...

Kur këndonte këngën :”Oda me tavan” –

Zëri i saj jehonte kudo  në  Ballkan  !

Kur këndonte këngën :”I hypa vaporit” –

Zëri  i saj jehonte mbarë Strugës e Ohrit !...

Kur këndonte këngën :”Hajde moj Selvije” –

Zëri i saj jehonte anë e mbanë Malësie !...

Kur këndonte këngën :”O bre  Musa i vogël” –

Zëri i saj jehonte kudo n’ Shkup e n’ Shkodër !...

Gjilan, më 25. 05. 2018.            Demir KRASNIQI