Jusuf Zenunaj: Lumturinë ta gëzojë Partia!

Jusuf Zenunaj

LUMTURINË TA GËZOJË PARTIA !

Urime Pavërsia !

Këto fjalë zemre,

dhjetë vjet më parë

rridhnin të pastra

sikur uji në Gurrë të Drinit të Bardhë

Atë ditë bënte acar, po fjala Pavarësi,

në sytë e dardanëve shfaqte liri.

Sot në të parin dhjetëvjetor,

mjerim në sofër e n' oborr

dhe prapë themi : Atdhe, urime Pavarësia !

Lumturinë ta gëzojë Partia !

J. Z. 17 shkurt 2018

O FLAMUR KOMBËTAR !

Me dritërimin tënde u mësova

qysh në djep,

Me ty në beteja, në fushë e në thep.

Me dyzet trima çava rrethimin,

plagët i mora në ballëdimri.

Sot, në hyrje të kryeqytetit,

palet të valviten sikur valët e detit.

Nga rrethrrotullimi s'të largova shumë,

jo sa ariu që fle gjumë,

aq sa mjegulla i përshkon malet,

të mos të të shihnin miqtë as ndërkombëtarët !

Të hoqa nëpër terr ,

sërish të vura ditën,

për miq ndërroj traditën

se jam kryeministër.....

J.Z. shkurt 2018

S' KANË MBETUR SHUMË ORË !

Dita po afrohet,

turpi të rëndohet

me peshë sa bjeshka e deti,

edhe varret në kufi t'i falë Parlamenti !

S' kanë mbetur shumë orë

t'u themi lamtumirë

varre në Kullë,

varre në Çakorr !!!!

J.Z. 20 shkurt 2018