Bashkim Saliasi: Thesaret e jetës

Bashkim Saliasi

Thesaret e jetës

(Mbesës sime të mbrekullueshme)

Cicërimat e jetës

Kur mbesa e vogël me vjen në shtepi,

Mbushet shtëpia me cicërima Dallëndyshe.

Zemra jonë gëzon e rreh ndryshe për çudi,

Krenohem unë dhe gruaja, si gjysh e gjyshe.

Këto cicërima i japin jetës kuptim e dritë,

Zhduken retë e trishtimin nga çdo zemër.

Para nipërve, mbesave përulemi të gjithë,

Harrojmë titujt e luajmë me ta si të vegjël.

Princesha e gjyshit

Erdhi në jetë si një dhuratë gëzimi,

Mbesa-vazhdimësia jonë ndër shekuj e vite.

Ardhja e saj na uli në fronin gjysh,

Kurora e artë që na japin në fund fëmijtë.

Thesaret e jetës

Ua kam falur botën dhe çdo pasuri,

Asnjë pushtet s'më josh, s'më hyn në punë.

Familja me nipër e mbesa dhe fëmijtë.

Janë thesare të jetës që vlejnë shumë.