Namik Selmani: Poetit nga Gjakova Tahir Bezhani

Namik Selmani, Tiranë, Çamëri

LUM LAHUTA QË PREK TELIN!

-poetit nga Gjakova,Tahir Bezhani,me rastin 70 vjetorit te lindjes-

Thrret Çarshia,thrreth Çabrati,

Zënë ia merrka Ereniku

Sot po gëzon Tahir Bezhani

Gëzon fjala,lumon miku.

Po ndez zjarrin lis me lis

Në një log e nder kuvende

Rrofsh  sa malet o Fisnik

T’u baftë fjala,bajrak jete!

Gëzon Gjakova prag më prag,

Me stërkala shatërvani

Fjalëëmbël gojartë

Sot e mot Tahir Bezhani

Po sjell fllad që larg Valbona

Sjellë për ty një këngë kushtrimi

Në livadh bleta bletoka

Po nxjerr mjaltin për Tahirin

Lum lahuta që prek telin

Lum pranvera që lëshon lule

Dritë e gaz të ketë poeti

Si petale nëpër supe.

Vjen një valë Lumëmbardhi

Vjen një valë nga Rugova

Paq gëzim Tahir Bezhani

Mot me mot të ndrijë kurora!

Nga Smolica vjen nderimi

Ia prek thinjat,ia puth ballin

Lum kjo tokë që të rriti

Lum kjo ditë flamurtari.

Po vjen princi me kurorë

Me një dritë prej Smolice

Nuk e ndal  mali me borë

Kur kthen kokën pas në vite

Po ia thotë Shkëlzeni këngën

Ku martina gurin ndezë

As ia shihni fjalën,ëndrrën?

Por si zjarr e ka poeti.

Dashka sonte lule Sharri

Dashkam këngë Çamërie

Gaz e mot Tahir Bezhani

Fjalëlisi nëpër brigje.

Dashkam sot një fllad Sylbice

Për te dashkam fjongo Bune

Se poeti ka ditëlindje

Lum kjo shkronjë që o ka hije!

Dashkam fjalë shenjtërie

Plis më plis ku skuq bajraku

Tahir Trimi,Burrë me hije

Të gëzoftë oda te pragu!

Tiranë-Gjakovë,17.maj,2017