Demir Krasniqi: Dita e mësuesit dhe e shkollës shqipe

DITA E MËSUESIT DHE E SHKOLLËS SHQIPE

Lum për ne që patëm Korçën –

Për kulturë s’e kishte shoqen !

Për kulturë , traditë kombëtare –

Hapi shkollën e parë shqiptare !

Më 1887 ,

Në muajin Mars , më datën 7 ,

T’ gjitha kushtet ishin përshtatë –

Për t’ hapë shkollë për jetë të gjatë !

N’ gjuhën shqipe , n’ shkollë të parë ,

Drejtor  dhe mësues i parë –

Ishte Pandeli Sotiri ,

Për atdhe  dijen  e shkriri !

Mbi  gjithë trojet arbërore –

Kjo shkollë ishte një fitore !

Me  te mbarë populli  shqiptarë –

Kudo ndihej ngadhënjimtarë !

Mu në Korçë të Shqipërisë –

Shkrepen rrezet e diturisë !

Aguan ditët plot gëzim –

Mësohej shqip shkrim e lexim !

Për mësuesin Thanas Sina –

Ndjeu Tirana , Shkupi e Prishtina !...

Poshtë zaptuesi , poshtë harami –

Thoshte mësuesi Thoma Avrami !

Armikun me punë e plasi –

Petro Nini Luarasi !

Me mësim nxënësit i kënaqi –

Mësuesi i dashur Nuçi Naçi !

Mendjendritur shkrepte xixa –

Mësuesi i dashur Janko Minxha !

Për mësuesin Kristaq Vaja –

Këndonin nxënësit nga sevdaja !...

Gjilan, më 05.03.2017.       Demir KRASNIQI