Ramiz Lushaj: Numëroj vitet e babës

NUMEROJ VITET E BABES

Nga Ramiz LUSHAJ

Unë po rri tue ia numrue vitet babës

Shekullor po bahet në ballë t’oxhakut.

Me plagët e heshtura të luftës partizane

Me thinjat e lapsit të pathyer të kuadrit.

Ai kur ishte sa Pushka, e kur u rrit sa Liria.

Kur idealet ia dha e s’ia mori dot Partia.

Eci me kambët e veta, Jetoi me amanetin e ri:

N’udhëtimin e përjetshëm trupin e due n’Malësi.

Tashti, Baba rri me fytyrë kah dielli, e kena lanë vetëm

E na ramë n’Tiranë, i kaptuem malet, e i kcyem detet.

Ai zgjat dorën nga rranjët e pishës t’rritun skej vorrit

Na përqafon teksa ecim në udhët e Kombit e t’ Globit.

Ai ende i ka do’ fjalë të pathëna në librat e veta.

I ka do’ deshira të bardha të pakryeme nga jeta.

Ai nuk diti me kthye rrugë e me i lanë rrugës idealet…

Ai jeton me mall të pashuar për Shipshanin, për Alpet.

Kur shkojmë në vendlindje kena kujt i thërrasim

N’derë t’kullës, n’zemër të tokës, n’maje të thepit.

Del e na prêt malësori shekullor Ali Lushaj, baba im.

Ndër ma t’vjetrit e ma t’rinjtë banor të qytetit alpin.

./.

- Per ZemraShqiptare, nga Tirana, 2016-