Demir Krasniqi: Dik Leci

Dik  Leci   

Moj malësia e Gollakut –

Ke dhanë shumë burra t’ konakut ,

Ke dhanë shumë burra t’ bajrakut ,

Trima t’ pushkës dhe të qarkut ,

Që s’ janë trembë luftës , as gjakut ,

Vendit t’ vet i kanë dalë hakut !

Kanë mbrojt malet dhe kufirin ,

Kanë mbrojt vatrat , nderin , hirin !...

Si Lot Vaku e Shyt Mareci ,

Lam Shahiqi e Metë  Zajçeci ,

Ramë Haliti nga Gjyrisheci –

Do t’ përmendet n’ Gëmicë Dik Leci !

Mbajmë mend  sofrën , shpijanikun –

Fshati Gëmicë  e kishte Dikun !

Bukë e kripë kishte  për mikun –

Plumba kishte  për armikun !

N’ mes Tugjeci e Gjyrisheci –

N’ Gëmicë jetonte Sadik Leci !

Shëmbëlltyrë e urtësisë ,

Burrë bamirës i varfërisë ...

Derë e hapur për derma ,

Magje buke për fukara .

Burrë i shkathtë , njeri i zoti ,

I guximshëm , bir patrioti !...

Shumë i dashur ishte për mikun ,

Shumë i ashpër për armikun !

Për miqësi s’ kursente mundin ,

Për armiq s’ kursente plumbin !

Sadik Leci , ai atdhetar –

Qe bamirës , humanitarë !...

Për shqiptarë qe shpëtimtar –

Nga pushtuesit sllavë barbarë !

Gjilan, më 09.10.2015.  Demir Krasniqi