Përparim Hysi: Më kanë zënë "ethet" e gushtit

Më kanë zënë "ethet" e gushtit

 

Cikël me poezi

 

Nga Përparim Hysi

 

1.Le të thonë

 

Le të thonë, çfarë të thonë

Të dalë, ku të dalë

Kush  dashuron

Mua nuk më tall.

 

Nuk pyes hiç fare

Se për çfarë do thonë

Më prit, moj sylarme!

Mesnatës, vonë.

 

Derën paksa hapur

Lëre për mua

Aq mall më ka kapur

U treta, pothua.

 

Se shkova, e gjeta

(Eh, se si qe!)

S'e them dot me letra

Se ç'bëmë, olele!!!!

 

2. Jorgjicë!

"Mos kujto se jam i marrë

Jorgjica! Jorgjica!"

Popullore bullgare

 

Sa herë shkruaj, o moj Jorgjicë!

Zë lëshoj unë një psherëtimë

Më kujtohet çasti iks

Dhe kaloj në mallëngjim.

 

Se më  ishe, moj Jorgjicë!

Si një lule që po çel

Vjen  më shfaqet çasti iks

(Shpirt, o shpirt, si nuk po del?!)

 

Se të doja, moj Jorgjicë!

Se më qe përshesh i parë

Dhe, atëherë, në çastiin iks

Seç u dogjëm ne në zjarr.

 

Zjarri i mallit, moj Jorgjicë!

Thellë në zemër rri i fshehur

Sado ndodhi në kohë iks

Nëpër kohë sikur rri ndezur.

 

Se, sa shihemi, moj Jorgjicë

Që nga sytë lëshojmë shkëndija

Duam të kthehet koha iks

Tek shkoi qindi, të vejë mija.

 

 

3. Më kanë zënë "ethet" e gushtit

 

Më kanë zënë "ethet" e gushtit.

Më kanë zënë dhe s'më lëshojnë

Më ka plasur delli i turpit

Sevdallisur me një zonjë

 

Zonja qenka e moshuar

Mend troket tek mosha e tretë

Medemek, flaskam "kaluar"

Dhe nuk paska më lezet.

 

Mirëpo syri bën hatanë

As më njeh më për zot

Vjen ajo, kërkon "mejdan"

Jam në hall; s'i shmangem  dot.

 

E që thatë ( nuk  thatë gjëkafshë)

Mosha moshën e pëlqen

E pa  më the a të thashë

Moshatarë- u bëmë ujem.

 

Se ta dini, këto "ethe"

S'duan doktor e s'duan ilaçe

"Përgjegjësinë" e marr mbi  vete:

-Këto "ethe" i shëroj esnafçe...

 

 

4. Dhe zemra im zu po thinjet

 

Ja, dhe zemra ime pak nga pak po thinjet

S'do mend, kështu do ndodhë, me domosdo

Veç me dashuri kjo zemër nuk nginjet

Mos vallë zë rihet si hënë apo?!

 

Shkoi u plak, njëlloj siç po plaket e i zoti

I zoti jam unë, zotëria Përparim!

Pa dashuri jam  si njerikoti

Dhe ç'them,e jap me firmë.

 

Por, sado zemërthinjur, kjo zemër bën trak

Zë e rreh sa sheh një sy të bukur

Për një sy të bukur, mendja ma bën fap

Dhe nuk flas sikur jam turbull.