Agim Gashi: Çka po thue o gjyshi plak?

AGIM GASHI

ÇKA PO THUE O GJYSHI PLAK?

Babë e bir po bisedojnë

Bisedojnë edhe vajtojnë,

-Çka i thu ksaj pune o baba plak

-Vetë jem ba anmiq n´konak.

Mos humb shpresat o Gjyshi plak

-S´pritet ma as shumë as pak,

Kend me e vra, kend me luftu?

Kuku për ne e kuku për mu!

Vllau-vllaun sot e urren

Ja then vorret, me mujt e pren,

Ja zë frymen e ja qet lakun,

Këtij atdheut po ja pin gjakun.

Mbloj mjerimi nji popull t´vjeter

Duen me ba atdheun tjeter,

Me ja kthye Sulltan Muratin

E haraç prap me qitë gjakun.

Me mbyll gruen e me mbyll nanen

Me mbyll motren e me kthye gjamen,

Vorret vllau me ja shaktrru

Me poshtru, me e turpru!

Po ja zhdukin doket shqiptarit

Vet i lshuem radhë tradhtarit,

Hije t´keqe sofres, maxhes

Marrin grue bijen e axhes.

U que n´kambë po gjyshi plak

Nga sytë qet prej dhimbjes gjak,

Po na mallkojnë toka e dheu

Jo me prralla s´mbrohet atdheu.

Lutet gjyshi, shumë s´ankohet

Në veper t´Gjergjit përbetohet,

Zoti i Madhe shpetoje Arbninë

Në rrugë të mbar ktheje rininë.

Mos të vritemi e mos t´hasmohemi

Kështu don anmiqtë e vjeter,

Turku e shkau na e pinë gjakun

Pasha Zotin sot s´bahen tjeter.

Kem nji gjak e nji atdhe

Këtu vdiqem e këtu kem le,

Qysh se moti e n´kohna t´lashta

Kishim vorre të përbashkëta.

Shtrije vlla ti doren shtrije

T´jemi bashkë si na ka hije,

Me dashni e mik pas miku

Shkamb i fortë kunder anmikut.

21.06.15

Düren