E premte, 30.07.2021, 03:03 AM (GMT+1)

Kulturë

Lulzim Logu: Dashni pa zë

E shtune, 27.12.2014, 06:29 PM


Lulzim Logu

 

Nga libri i ri “Dashni pa zë”-

 

...

S’mund ta lë hajkun

Pa shkruar prapë

Verë dashnie…

Dridhem kur kujtoj

Se s’vjen tjetër

Ishe ditënata ime…

Honet e mosthënjes

Pengu im mbetur

Ku thyej qafën…

Hëna e verdhë

Si shpresë e varur

E shuajnë retë…

Krishtlindje pa borë

Mungesa jote e shton

Trishtimin…

Akoma  sjell dhurata

Natën luaj babadimrin

Dhe gënjej veten time…

Macen e  zë gjumi

Mbi zëmrën time

Tretet  aritmia…

E ndjeu vdekjen

Më flihet, tha pastaj

Loti ja mbylli sytë…

 

Lotin marr si kujtim

E kthej puthje

Në buzën e rreshkur…

Sa herë e puthja

Më dukej e fundit

E puthja prapë…

Diell mbi dëborë

Pikë mbi i’

Shkundet fjalia…

Vazhdoj duke të dashur

Ta shlyej hezitimin

E dikurshëm…

 

Të thoja të dua

Sa vështirë e kisha

Shituar bukurie…

Ka shkuar vonë

Ta mendoj kthimin

S’ka qiell tashmë…

Loti s’ numërohet

Kur rreknehet

Prej zemre…

Arushët e kuq

Në pemën e krishtlindjes

Përpijnë dritën…

 

Zogjtë hanë troha buke

Pas pak bie borë

Ata ndjellës…

Verbërisht të dua

Anipse e di

Do humb sytë…

Shoh me zemër

Atë që ndjej

Qartësi diell…

Veriu ulërin si ujk

I çartur urie

A mos jam preja?!...

 

E pashë ujkun përballë

Sytë e kaltër, të bukur

Por s’u mashtrova…

I egër, apo i butë

Kjo është çeshtja

Si të mbijetosh?!...

Jam lazdruar dashnie

Kthehem fëmijë

Vrapoj zbathur…

Zbathur e ndjeja

Zjarrminë dikur

Tash ftohjen…



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora