Dibran Demaku: Vaçe Zelës

Dibran Demaku

PËLLUMBESHË E PAQES

(Vaçe Zelës)

Si ta qëndis vargun për një Kanarinë

njërën nga këngët e solli në Prishtinë

Motrës së Madhe Nexhit me emër

i mori një lule, i dhuroi një zemër.

Si ta ndal lotin mos të rrjedh në faqe

për Mbretëreshën e këngës, për të Madhen Vaçe

Që erdhi si flutur e iku si flutur

atdheut i dhuroi këngën më të bukur!

Një këngë krenare e këndoi për Nënën

me këngë i bashkoi Prishtinën e Tiranën

atëherë kur një vijë ndante gjakun e atdheut

zëri i saj pushtonte shtigjet e gjuhës së Skënderbeut!

Tash ajo u shndërrua në një Pëllumbeshë paqe

e dlira e bukura e Madhja Vaçe

zëri i saj në shekuj do fluturojë nëpër eter

kombit e atdheut krenari e nder!...