Pjetër Domgjoni: Papa i fundit

PAPA I FUNDIT

Nga Pjetër Domgjoni

Puna e dorës mund të kontrollohet me anë të dorës, kurse puna shpirtnore asht sikur zjarri,  vërshimi të cilit pothuajse nuk kontrollohet. Ai përhapet vetvetiu. Adam Vajshop.

Të gjithë bota me shqetsim shumë të madh e priti lajmin mbi dorëheqjen e PAPËS gjerman.  Shumica e njerzve,  në heshtje po thonë: Ka ndodhë diçka e madhe, por që nuk e di njerzimi. Tuj hjedhë nji vështrim ngjarjeve që kanë ndodhë prej revolucionit francez e deri sot. Vërtetë vijmë tek përfundimi se ka ndodhë diçka e madhe. Diçka që botën po e ndryshon tansisht.

Para papës gjerman e kishim nji papë polak. Papa që bani ndryshime shumë të mdha. Papa që bazohei në devizën. Gjithçka ndryshon. Dhe vërtetë papa polak, çdo gja toleroi e shumë gjana ndryshoi sepse vet ishte i tillë. Shumë tolerues.

T'gjithë bota ia ditën për nder Karol Vojtyles se e rrënoi komunizmin, por kur shikojmë realitetin. Kjo aspak nuk ishte e vërtetë. Aspak nuk ishte meritë e papës, rrënimi i komunizmit. Si mund të rrënohet diçka që prej fillimit ishte e ndërtueme për rrenim. Mandej si mund të rrenohet komunizmi në Poloni. Në at shtet të krishtenë që komunizmi s'kishte zanë rrajnjë fare. Si mund të rrenohei komunizmi në nji „shtet komunist“ kur komunizmin e gjithë botës e udhëhiçte partia komuniste amerikane që bante pjesë në botën kapitaliste. Atëherë, çfar çëllimi kishte papa polak. A vërtetë e kishte qëllimin,  rrenimin e komunizmit…???…!!!

Vizitën e parë, Karol Vojtyla e pat ba në Poloni. Në kryeqendrën  e superfuçisë bllokut komunist dhe masës së panumërtë iu pat drejtue me fjalët e KRISHTIT: MOS U FRIGONI. Por fjalimi tij  n'vazhdim,  ma s'kishte lidhje as me KRISHTIN, as me Biblen,  as me fenë e as me Zotin.

Karol Vojtyla ishte adhurues i ZOJËS BEKUEME. Asaj ia kushtoi gjithë jetën, por kisha nuk ishte e Zojës Bekueme, por e KRISHTIT që papa polak e kishte përzanë prej kishës.

Të gjithë ishim dëshmitarë që Karol Vojtyla edhe i plakun edhe i lodhun edhe tuj ju dridhë kambtë e duertë e deri tuj shkue edhe jargët prej gojës. Nuk dha dorëheçje. Pse…???...!!!

Të gjithë e pamë arkën e cila mbylli trupin e pa jetë të nji pape. A ngjante ajo arkë me nji arkivol. Jo, aspak. Ajo ngjante me çfardo sanduku tjetër, por aspak me nji arkë që mbyllte mrendë trupin e nji pape.

Ditën e KSHNELLAVE t'vitit kaluem, shkova n'kishë. Gjatë predikimit, frati domenikan ju drejtue besimtarëve: Sot KRISHTIN e kanë përzanë prej shpiave. KRISHTIN e kanë përzanë prej zemrave. KRISHTIN e kanë përzanë edhe prej kishave. ATE sot e kanë mbyllun n'kafaz. N'kafaz sivjet e kemi mbyllun edhe ne dhe me dorë të zgjatun e tregoi vendin ku ishte e ndrequn Shpella e Betlemit. Mbasi u krye mesha, të gjithë besimtarët shkuem me e pa shpellën e Betlemit dhe aty nuk ishte ma. As Zoja e Bekueme, as shejti Shjozef, as tre mbretnit, as shpella e as delet e as barijtë. Por disa rrugë shkretie dhe n'mes atyne rrugëve nji kafaz që kishte mrenda KRISHTIN FMIJË.

Mbas papës polak që kishte mbrapa vetës shumë të përfoluna e shumë avantura. Në krye të kishës katolike erdhi nji papë gjerman. Nji teolog. Nji profesor i universiteteve. Nji trashëgimtar i denjë i Shën Pjetrit. Nji papë „JOTOLERUES“  i çdo gjaje. Nji papë që gjatë gjithë shërbimit u mundue ta kthei KRISHTIN në kishën e Tij, por kur e pau se nuk asht e mundun. Dha dorëheqje.

Para do kohësh ishin zgjedhjet presidenciale në Kroaci. Kroatët,  zgjodhën për president, Ivo Josipoviçin. Josipoviç asht djali i nji ish komunisti prej Bashka Vode, (qytezë në bregdetin dalmat) Përndryshe, ky njeri ishte profesor universiteti dhe dashamirë i artit, por me bindje fetare: AGNOSTIK.

N'kuptimin e ngushtë të fjalës. Agnostikët janë, as mish as peshk. As Zot as dreq, por dëshirojnë me qenë, edhe mish edhe peshk, edhe Zot edhe dreq e për me qenë të tillë maskohen edhe si Zoti edhe si dreqi dhe përdorin të gjitha mjetet në dispozicion për me ardhë deri tek NJOHJA e „Zotit“. A mos këta agnostikët kanë lidhje me iluminatët dhe iluminatët me masonët dhe masonët me  komunistët e komunistët me globalistët dhe të gjithë këta deri tash  i ka pengue KISHA KATOLIKE si institucion i vetëm i moralshëm në gjithë botën.  A mos BENEDIKTI GJASHTËMBËDHJETË ishte papa i fundit. Ishte pengesa e fundit e gjithë këtyne.

Sot jemi dëshmitarë të revolucioneve në botën islame. Por jemi edhe dëshmitarë të djegies së kishave katolike dhe vrasjes së dhjeta e qinda katolikëve në ato vende dhe askush me as edhe nji fjalë të vetme nuk u vu në mbrojtje tyne. Jemi dëshmitarë të përhapjes së rrymave ekstreme islame nëpër të gjithë Europën e krishtenë dhe askush nuk i pengon ato organizata, por të gjithë flasin për demokraci dhe  tolerancë fetare.

Dje ishim dëshmitarë të dorëheqjes së nji pape gjerman. Kurse sot ishim dëshmitarë të nji skene t'pa parë deri tash në botë. Para kamerave të gjithë botës. Papës, ia hoqën këpucët, ia hoqën petkat, ia hoqën unazën, ia hoqën gardën dhe ia mbyllën dyertë dhe ma shumë se njimiliardë katolikë n'gjithë botën e përcollën këtë skenë pa kurrfar kundërshtimi e pa kurrfar proteste, por vetëm  me dridhje në zemër e me lotë në sy. A ishte edhe kjo nji shej e tolerancës dhe e demokracisë…???...!!!

Në at moment kur e pat lajmrue dorëheqjen papa. Mbi kishën e SHËN PJETRIT pat gjuejtë reja. A ishte edhe kjo nji shej që lajmronte për ndryshime të  mdha. Apo mos ishte sheja që tregonte fundin e trashëgimtarëve të Shën Pjetrit. Sheja që lajmronte fundin e krishtenizmit katolikë se krishtenizmi ortodoks, afro njiqind vite ma parë ishte zhdukë prej revolucionit tetorit në krye me Vlladimir Iliç Leninin që pat vra ma shumë se gjashtë milionë  ORTODOKS.

Çka do të ndodhë me islamin. Islami pat lindë prej nji tregtari t'pa shkollë dhe në botë u përhap përmes DORËS (shpatës) dhe po ashtu mund të kontrollohet dhe të zhduket përmes DORËS. Sepse çdo punë e dorës mund të kontrollohet prej dorës, thonte ish jezuiti Vajshop.

Atë gjithë shqiptarët ishim dëshmitarë të dhunës dhe terrorit dhe vrasjeve që u ushtruenë e u shkaktuen mbi katolikët shqiptarë për pesëdhjetë vjetë me radhë.  Pse? Spese, aty ishte RRAJA, ATY ISHTE PALCA E KOMBIT. HIQI RRAJËN, HIQI PALCËN dhe kombi s'ka ma jetë. Prej atij kombi mbetën vetëm: GREKË DHE TURQ QË FLASIN SHQIP. Komunizmi shqiptarë i kishte burgjet. Pse vetëm nuk i burgoste katolikët, por i vrante. Mandej ua rrafshonte edhe vorret dhe ua nxirrte edhe eshnat prej toke. A mos ndoshta, vorri ishte ai trungu i krishtenizmit që i kishte rrajtë thellë në tokë e që ndizei vetvetiu dhe ishte e vështirë me e kontrollue. Siç përfundonte ish jezuiti Vajshop.  Prandaj duhet zhdukë krejtsisht.  A ishte BENEDIKTI GJASHTËMBËDHJETË PAPA I FUNDIT. Koha do të tregojë së shpejti.