Dy poezi nga Jusuf Zenunaj

TERRI INFORMATIV

Mjegulla e bisedave me Serbi

Kuvendin ka kapluar,

as (unë) Kupi nuk di

punët si kanë shkuar … !

Terri informativ na pushtoi,

orët kot shikojmë,

ditën prej nate

fare s’e dallojmë.

Si n’ag ashtu n’ orët e vona,

çfarë gjelle zihet në Bruksel

n’ Kosovë dinë pak persona.

Evropës ia rikujtoj

Kuvendin mos ta harrojë,

me kufi mos t’ hyjë në lojë,

se trojet shqiptare i bashkoj.

Jusuf Zenunaj, 7 qershor 2011

KUR HAPEN KUTITË

Kur hapen kutitë në Shqipëri,

me pjekuri

populli bën çudi.

Kryepartiakët s’harrojnë

zanatin e vjetër,

shajnë njëri-tjetrin.

S' mjaftuan javë as muaj,

kaluan dy vjet,

i majti shan,

i djathti pisket.

Studenti n' katedër, 

malësori  në  Theth

pyesin: “ Me ne ç’ po ngjet ?”.

Brukseli çon të fala,

të lihen këto gara,

fjalën e ka ligji,

mjaft më me përralla….

Jusuf Zenunaj, 9 qershor 2011