Agim Gashi: Po zgjohet Kosova ime

Agim Gashi

Po zgjohet Kosova ime

N´mëngjes heret sot jam ngritur,

Marr sharkinë, atë të bekuar

Për Kosovën këngën kam nisur,

Se nga gjumi ka nisë me u zgjuar.

Qe sa vite s´na lanë dritë,

Jetë të rëndë që kem kaluar,

Tuj na vra e pre në pritë,

Skem pas kujt me iu ankuar.

Kur menduam se u çliruam,

Nga zgjedhë shovene serbe-barbare,

Karagjoz, kriminel t´paguar,

Lirisë sonë i hapnin varre!

Na vrisnin natën, na qanin ditën,

N´prani t´fmive e nanave tona,

T´veshun n´maska na zinin pritën,

Kjo shëmti, s´është traditë jona.

Nga shtëpia porsa dilje,

Me shkue n´shkollë apo në punë,

Të zihej rruga prej maskazinjëve,

Në ç´do kënd t´vendit kishte dhunë.

Ne që jem popull i vogël

Por që e kem zemrën e madhe,

Simpatinë e morëm t´botës,

Kur bëmë luftën çlirimtare.

Mirë u nis kjo luftë e shenjtë,

Me organizim dhe Pushkë të mbarë

Dolën sheshit njerëz t´pa t´denjtë,

Na përçanë, na bënë bizar.

Na i prunë do ligje t´qyqeve

Çdo gjë fillonte nga ata,

Ndersa populli duart ndrydhte,

Ah, t´mjertë ne për k´të hata!!!

II

Eh, iku koha e bajlozëve,

Vrasje e krime le t´dalin n´shesh,

Le t´jetë fundi i Karagjozëve,

Se me Shtetin kanë rënë ndesh!

Në t´merr, panik dhe frikë jetohej,

Edhe sofra me frikë shtrohej,

Jo jo, Populli nuk dorëzohej,

Për ditë më të mira po mundohej.

Zgjohu tash, Kosova Jonë!

Zgjidhe t´lutem at nye krimi!

Le të zh´bëhen përgjithmonë,

Frika, vuajtja e trishtimi.

Le të mbillet dashuria

Në mes popullit të një gjaku,

Le të g´zohet n´djep fëmia,

Ngjyra lulesh të merr oxhaku.

III

Jo qebesa, për gjashtëqind vjet,

Në k´to troje s´patëm pa,

I mjeri vëlla, vëllaut të vet,

Ti del n´pritë, haraç me i la!

Të vinin turli “komandanti”

Të tmerronin e futnin frikë,

Bashibuzukë, lloj intriganti,

për ca plaçka t´prisnin thikë!

Ah, bashkësia ndërkombëtare

Ju ndihmonte me lavdata,

Klikat, që plaçkisnin ashiqare,

I shpërblenin me dekorata.

Zot nga ç´vende që na erdhën?

Nga Afrika e Bangladeshi,

N´Kosovë, pisllëkun e derdhën,

Njëmijë Grosh, sahan përsheshi!!!

Ka ardhë koha që të zgjohemi

Të mendojmë me koka esull,

Ndal, krimit! Është lodhur Populli,

Në shpirt i ndrydhur si një petull.

Ngrite zërin o Djelmëri!

Ju akademik e intelektual.

Jo jo, krimi mbi Dardani,

Kurr përjetë s´guxon me u falë!

Të denohen kriminelët

Që me kohën të ecim n´hap,

S´bën Liria peng të ngelet,

Që ky popull e lau me gjak.

Le të mbushen sot zemrat tona

Kangë, gëzim me plot hare.

Krejt çfarë ishte, t´jetë prapë jona,

T´lirë, pa krim t´ndërtojmë Atdhe!

05.05.2011

Düren