Kulturë
Cikël poetik nga Fahrije Kllokoqi
E premte, 11.02.2011, 08:22 PM
Fahrije Kllokoqi
C'FARE JE TI ?
Si ju jam, o njerzë..
Dhe nëse s'kam një dorë
e si ju nuk heci
unë jam njeri.
Dhe nëse nuk shohë si ti,
unë qajë e qeshë si ju
dhe të dashuroi di,
si ti ajo e ai tjetri.
E ti, o gojë vrerë i mjerë
që shiqon tjetrin ndryshe,
Pa hë ma thuajë njëherë,
cfarë je ti ?
-Spaska gjë më të vlerë,
se sa të jeshë NJERI.
PËR TY MIKE
Në sytë e tu shoh dhembje
rënduar t'paskan mbi supe
guri i sizifit.....
Në zemrën tënde
ofshama plasi mallin në mijera copa
si vazon e poqarit.....
Ëndrra të lëna përgjysëm
në sytë e tu
dritë në fundë tuneli,
dhe tre engjujë duke hequr
prangat e lumnisë.....
MOS QAJ
Mos më eja nën dritare mua
barin e blertë me këmbë mos e shkel
kam pushuar kaherë të të dua
dhe mos qajë, se nga dhembja asgjë nuk del.....
ËNDËRR MERGIMTARE
Një natë fillim maji
mblodha lule behari,
i vura në vazo të poqarit
pranë varrit t'shkrimtarit.
Mora plisin e Bacit
në odën e oxhakut,
dhe gjyshes i mora furken
pranë maxhës së bukës.
Mbi urën e gurit
mora besën e burrit,
kalova Qyqavicen
ta shoh më mirë Drenicen.
Në Prekaz shkova së pari
te varri i legjendarit
isha shumë krenare
për dy sytë e ballit.
Por e gjitha ishte ëndërr
në mendje të mergimtarës
sa shumë mall kisha
për aromën e nanës...