Lirika nga Përparim Hysi

Lirika

Nga Përparim Hysi

Janë ca çupa

Janë ca çupa,deli çupa:tuj-tuj si puladeti!

Çupa për t'u pirë në kupa(aty mjalti dhe sherbeti)

Hargalisen të shpenguara,mu si mëze hergjele

Po më hëngri,mua,syshkruara(fët me sy e bjer përdhe!)

E ç'më gjeti mua,të zinë, dua t'i ikë atij "sherri?!"

Por me sy seç më përpin;syri i saj si brisk më theri

Desha s'desha zura "vallen";zura vallen siç e deshi

Në "kërceva" me sylarmen,jam pa faj dhe mos më qeshni.

Puth e puth unë miken

Puth e puth unë miken(ke parë?Hiç nuk ngopem)

Ndaj e zë ashiken dhe me të zë "rrokem"

Rrokem ,edhe mundem,se dua ta vë poshtë

Dhe,kur e vë poshtë,diçka i marr"borxh"...

"Thikën" e ngul mbi "bostan"

Thikën e ngul mbi bostan

Zë e çaj me ngadalë

Sado më ra alivan

Pat"ilaçin" që më ngjallë.

Pse?

Pse më rri kokulur,sikur ke bërë faj?

Fol,o syri i bukur,se s'e kam kollaj

Se s'e kam kollaj,kur të shoh kokulur

A e sheh sa vuaj,veç nga syri i bukur

Dua veç një fjalë;t'ma thotë ajo gojë

Nuk e mbaj dot mall(e sheh?Po firoj)

Po firoj e thahem, veç se ty të dua

Dhe mëdysh po ndahem,nga një fjalë që s'thua

Hape atë gojë!Mos më rri kokulur

Se të dashuroj;dëgjon,moj e bukur?!

Të shkon mëndja

Të shkon mëndja tek mikja që njohe

Të shkon mëndja dhe të bëhet obsesion

Zë gjen shkaqe dhe mallkon çdo droje

Merresh me hamendje(me iks a ypsilon)

Çuditesh,mandej,me këtë obsesion

Se meraku të mbërthen kur nuk e prisje

Dhe sado që tani je në moshë të vonë,

Nisesh me hamëndje andej nga nuk bitise.

26 qershor 2010