Poezi nga Engjëll Koliqi

Engjëll Koliqi

 

 

ATA BIJTË E KRIMIT

 

Si pleshta varur

Në jelet e shekukullit plak kanë mbetur

As historia s’i pranon

...

Pa ditur kah t’ia mbajnë

As ç’të bëjnë më

I dorëzohen vdekjes

                        Garlate (Lecco), 17 prill 2010

 

KONFORM KËNDJEVE

 

Jam unë dëshmitar

Se i kam parë

Shpesh

Duke vrapuar mbas këndjeve

Harrojnë që janë njerëz

Të bijtë e regjinit të zi

Nuk njohin dashuri

                        Garlate (Lecco), 17 prill 2010

 

BINARËVE TË PROJEKTIT

 

Marshojmë të bindur

Dhe të sigurtë

Në suksesin e shenjtë

Të mbjelljes së dashurisë

Nuk ka pengesë

As semafor

Që na ndalon

Gjithçka

Me buzëqeshje e me gëzim

Përfundon

                        Garlate (Lecco), 17 prill 2010

 

ME PAMUNDËSI NDALJEJE

 

Të shfrenuar

Në ngrohtësi dashurie

Në këtë të pestën stinë

Me të lumen mbretëreshë

Gjithçka mund të bëjmë

Por jo të ndalemi

Ethet e dashurisë

Si motor i fuqishëm

Na shtyjnë në vrull

!!!

                        Garlate (Lecco), 17 prill 2010

 

ME HIR DASHURIE

 

Çdo ditë të bukur

Të stinës së jetës

Filloj

E mbaroj

Me buzëqeshje

Përherë

Me domethënie të plotë

Bese e përkushtimi

...

                        Garlate (Lecco), 17 prill 2010

 

NË ZEMËR TË  FRIKËS

 

Shumë mendime mbyten

Shumë projekte

Shumë dashuri

Mbesin të ngulfatura

...

Ndodhin shumë pakëndësi

Në stinën e pamot

Nëpër orët e krimit

...

Njerëzia habiten

E ikin...

                        Garlate (Lecco), 17 prill 2010

 

NË PIKËN VENDIMTARE

 

Për hir të arsyes së shëndoshë

Qëllimet fisnike ngriten

Bëhen besëlidhje

Fillon kënga e dashurisë

Bukur zgjërohet vallja e shpresave

Më e dukshmja është njerëzia

...

                        Garlate (Lecco), 17 prill 2010

 

GJURMËVE TË SAJ

 

Zemra më këndon

Shpirti më vallëzon

Dashuria merr formë vendosëse

Ndodh mrekullia!

                        Garlate (Lecco), 17 prill 2010

 

NË VAZHDIM TË PROCESIT

 

Duke e parë

Se janë të falimentuar

Kanë hequr dorë

Dhe nuk kanë penguar më

Dashuria ka bërë ligjet

Ne kemi dirigjuar

Ata

Në fund të fundit

Janë dorëzuar

!!!

                        Garlate (Lecco), 17 prill 2010

 

JASHTË LIGJIT

 

Sulmojnë mendime

Këngë vrasin

Plagosin dashuri dhe njerëzi

...

                        Garlate (Lecco), 17 prill 2010

 

PIKË E MADHE

 

Si të përfundoj

Me shqiptimin e vendimit

Të dashurisë

Vëj një pikë të madhe

Dhe pa vonuar

Futem në aktin e parë

Për të vazhduar me lumturi

Në zbatimin praktik

                        Garlate (Lecco), 17 prill 2010

 

HYPUR MBI KËNGË

 

Me krenari

Kemi filluar jetën e re

Me detyra të reja

Nën kurorën mbretërore

Këtu në fronin e dashurisë

                        Garlate (Lecco), 17 prill 2010

 

NË BISHT TË PËRRALLËS

 

Mbetur varur

Të habitur nga shumë gënjeshtra

Duan t’i lulëzojnë tragjeditë

Të gjorët

Pa mundur as të flasin

Tashmë

Edhe jetën rrezikojnë

!!!

                        Garlate (Lecco), 17 prill 2010

 

NË VALLEN E ËNDËRRAVE

 

Me vetveten habiten

Duke u endur

Në stinën e pestë

Në të gjashtën...

Epoka përrallash evokojnë

                        Garlate (Lecco), 18 prill 2010

 

NË KUPTIMIN E PARË

 

Çdo gjë

Ka marrë formën e drejtë

Dashuria

Është nisur binarëve të çeliktë

                        Garlate (Lecco), 18 prill 2010

 

NË KËNDET E TMERRIT

 

Pa pritur

As pa ëndërruar kurrë

Një ditë u gjetën

Në përleshje me mëkatet e tyre

Njëri-tjetrin kafshonin

Me deklarime absurde

Duke thënë

Se dashurisë i shërbenin

                        Garlate (Lecco), 18 prill 2010

 

KE MBETUR BRENDA MEJE

 

O mbretëresha e mrekullive

Sado e pamëshirshme është kjo jetë

Që më sjell sëmundje

E pamundësi lëvizjeje

Unë jetoj me ty në shpirt

Kërkoj amshimin e dashurisë

                        Garlate (Lecco), 18 prill 2010

 

MBAS SHIUT

 

Ashtu siç  e kemi pritur

Rrezoi dielli i shpresës

I buzëqeshi jetës sonë

Me të mirëfilltën dashuri

Tashmë

Të gjithë janë të bindur

Në stinën e bereqetshme

                        Garlate (Lecco), 18 prill 2010

 

NË FILLIM E NË MBARIM

 

Siç më thonë traditat

E siç më kanë mësuar

Gjyshër e prindër

Çdo hap të jetës

E bëj me dashuri

Dhe për dashuri

!!!

                        Garlate (Lecco), 18 prill 2010

 

SIPAS URDHËRAVE

 

Ende pa e kryer njërin

Me njërin mëkat fillonin

Dhe kështu vazhdonin

Derisa botën përgjaknin

Dhe gjithësinë turpëronin

...

                        Garlate (Lecco), 18 prill 2010

 

MOS ËNDËRRO PA MUA

 

Mbretëresha ime

Nga larg po të them

Ke mëshirë

Dhe mirësi

Në të pestën stinë

Mos ëndërro pa mua

Bashkë do të hyjmë në mrekulli

                        Garlate (Lecco), 18 prill 2010

 

MBI SHPATULLA TË SHEKULLIT

 

Kryejmë detyrën historike

Të mbushjes së mbarë universit

Me besë e me dashuri

                        Garlate (Lecco), 18 prill 2010

 

PAK MBAS KËNGËS

 

Duke fluturuar

Mbi vallen festive

Dashurinë kërkonin

Me shpjegim ëndërrash

Fillonin

Historisë

Një vulë të madhe

I kërkonin

                        Garlate (Lecco), 18 prill 2010

 

GJATË PERËNDIMIT

 

E shikoj diellin

Me dhembshuri

Kësaj dite i them lamtumirë

Por natës kurrë s’i dorëzohem

I rri besnik diellit tim

Deri n’aginin e ditës së re

                        Garlate (Lecco), 18 prill 2010

 

MIDIS RREZEVE

 

Gjithnjë e më i fortë

Ndjehem

I sigurtë

Dhe i gëzuar

Me melodi të stinës së re

Vazhdoj vallen historike

Bukur shkëlqen kjo zemër

E mbushur me dashuri

                        Garlate (Lecco), 18 prill 2010

 

SI ZAKONISHT

 

Në çdo lëvizje

Të jetës sonë

Në çdo paraqitje publike

Në çdo fjali të shqiptuar

Kryefjalë e kallëzues

E kemi

Besnikërinë dhe dashurinë

!!!

Gëzuar!

                        Garlate (Lecco), 18 prill 2010

 

SAPO KANË ARDHUR

 

Në këtë reliev

Janë të ri

Sapo kanë ardhur

Dhe menjëherë

Po kërkojnë

Fronin e kurorën

...

Mrekulli

Apo çmenduri

?!

                        Garlate (Lecco), 18 prill 2010

 

LOTËT E MI

 

Asnjëherë nuk mungojnë

-

Janë të përditshëm

Burim i ndjenjave të mia

Herë të dhembshëm

Herë të lumturisë

...

Lotët e mi

Në përditshmërinë e dashurisë

Shkrijnë gurë të historisë

...

                        Garlate (Lecco), 18 prill 2010