Sose Dumaj: Udhëtimi

Sose Dumaj

UDHËTIMI...

Ëndërrova rrugëtime të  reja

Desha me erën të vrapoja!

Katër astrat e horizonteve

T’i pushtoja me krahët e mi

E gjithmonë të më prisje vetëm Ti

Të ndanim gëzim e trishtim bashkë,

Të prisnim pranverat,

Të përcillnim dimrat,

Të ledhatonim thinjat

Me fisnikërinë besnike

T’i zgjasnim magjitë

E netëve të zgjatura,

Pranë urëzave tona të përbashkëta

Të përjetonim ëndrrën deri në pafundësi....

Si një kafshë e plagosur

Ëndrra u përpëlit

Vetëm kupë helmi piva në jetë

Ndoqa mundimin të mos jem robinje

Më çoj shumë larg kjo rrugë e gjatë

Metamorfozë përjeton edhe shkëmbi

Në shkëmb kohe  jam shëndrruare!....