E enjte, 12.12.2019, 12:55 AM (GMT)

Kulturë

Zymer Mehani: Në ballin e fëmijëve tanë

E diele, 31.03.2019, 04:00 PM


Zymer Mehani

NË BALLIN E FËMIJËVE TANË

Në ballin e fëmijëve tanë

Si në abetare atdheun e lexojmë

Në të dhe për të jetojmë

Në një atdhe u lindëm

Që ka zemrën më të fortë se guri

E u rritëm me ninulla

E me krisma pushkësh

U mëkuam nga nënëlokja

Me dashuri për Flamurin

Dhe për gjuhën shqipe

Për shkëmbin e gurin

U lindëm në një atdhe

Që e kemi Zot, fe e përmbi fe

Që forcën e një kulle prej guri

Ku trimat betohen

Në puthje te Flamuri

Ku shqiptari është mbret

Nga deti në det

Në një atdhe u lindëm

Ku fëmijët tanë

Me emrat e tyre

Vizatojnë hartën e Shqipërisë sonë

Ata krenarisht mbajnë emra

Fshatrash, qytetesh,

malesh, luemjsh detesh

Si Vlorë, Milot, Gramoz,

Erzen, Korab, Shëlzen...

Në një atdhe jemi lindur

Ku jeta ka një kuptim

Ku dhe kënga ka butësinë e urtisë

Ku burrat e zgjedhur të kombit

Martohen me mortjen

Për liri t’ shqiptarisë

ZEMRA IME....

Zemra ime, dënes e qaj

Derisa të ketë furtunë e stuhi

Mbi ne e mes nesh të ketë pabesi

Qaj dhe dënes, imja zemër

Derisa të ketë të kohës sonë plagë

Copëtohu, ndahu në dysh, kallu, digju flakë

Dënes e qaj shpirti im

Derisa në ty të ndritë shkëlqimi

E dhimbja njerëzore

Dhe ti loti im piko mos u ndal

Mbi gurët e përflakur

Mbi varret e dëshmorëve

....aty u përfal

Zemra ime

Rend rrugëve të pambarim

Kah fjala e besës

Rrugëto e mos i ndal tik-taket

Kodrinave t’qëndresës



(Vota: 0)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT