Zymer Mehani: Për ty, Atdhe

Zymer MEHANI

LAVDI, O PËLLUMB I BARDHË!....

(Gjeneralit Abedin Rexha-SANDOKANIT)

Sa po i shëmbëllejnë yjet e qiellit

Trimit të Vajnikut

Me pushkën në dorë

E dëgjoi kushtrimin

Zërin e kullës së lashtë

Zërin e flamurit kuq e zi.....

Komandant shembullor

Para ushatrëve

Para gjakut

Para fjalës dhe betimit

Bir i denjë drenicas....

Heu, o trim lirie

Komandant SANDOKAN

Sa të madhe e pate

Dashurinë për vatan!

Dhe poezitë

E këngët që këndohen edhe pa mua

Për ty s'do të ndalen kurrë o trim

Se po të mos ishte gjaku yt

I motrave e vëllezërve tu çlirimtarë

S'do të dihej emri i lirsë

Që prehet nën hijen tënde

Lavdi, o pëllumb i bardhë!

PËR TY, ATDHE...

Mbi kodra t’atdheut tim qielli seç përflaket

Një lot më shkëputet kur shoh epitafet

Për një dashuri të vlefshme sa jeta

Bij e bija ranë për trojet e veta

Unë poeti vetë i kredhur në mendime

E kujtoj t’kaluarën e kësaj Toke Trime...

Sonte i mbylla të gjitha portat e vegimit

As muza t’mos më vijë t’më shpie drejt trishtimit

Atdhe dua të vdes në Ditë të Ribashkimit

Për Ty Atdhe i dashur krenarisht vargje shkruaj

Për vlerën e tëndit emër dashuri në zemër ruaj

Prej lindjes e deri në amshim, Për ty, Atdhe

Dashuria jote-flakë yjesh shndrit pa ndërpre’

Dhe vargjet do t’i shkruaj aq sa di e mund

Në poezinë time do të jetosh pa fund

Nëse s’kam letër, në bjeshkët tua do të shkruaj

Pena po të më mungojë, me eshtrat e bijve tu do të shkruaj

Poezi dhe vargje të gurëzuara

Dhe ngjyra e penës nëse do të më mungojë

Për ty Atdhe i dashur Diellit do t’i lutem

Që ngjyrën e tij të kuqërremtë mua t’ma dhurojë

Por vargjet për ty kurrë nuk do të shkëputen