E merkure, 29.06.2022, 02:28 PM (GMT+1)

Kulturë

Demir Krasniqi: Kënga jonë dikur dhe sot

E diele, 19.06.2016, 09:21 AM


KËNGA JONË DIKUR DHE SOT

 

Kujtoj dikur moti në kohërat rinore –

Shkonim për t’ kënduar n’ dasmat popullore !

N’ bankete , fejesa dhe lloj- lloj gazmendi –

Duhej zgjedhur këngët siç e donte rendi !

 

Larg përtej konakut dhe përtej oborri –

Dilnin për t’ na pritur miqtë edhe dasmori !

Ata , ne , na prisnin të gjithë në një rresht –

Dhe njëri prej tyre gjithmonë na fliste n’ vesh !...

 

“Na knoni  “kangë t’ forta “ , t’ pastra porsi gurra –

Mos knoni “kangë t’ larme” , se këtu kemi burra !”

“Kangë  t’ forta”  i quanin këngët e trimërisë ,

“Kangë  t’ larme”  i quanin këngët e dashurisë !

 

Pak ma ndej një tjetër afrohej pranë veshit :

“Këqyrni çka po knoni , se kem njerëz t’ hyqmetit !

Knoni kangë për burra  me  tela sharkie –

Mos knoni me turra , se këtu kem dhe shkie !”...

 

Thosha vet me veti : “Haj , kuku për mue –

Po çka dreqin sonte po u dashka me knue ?!

Me knue  “Kangë t’ larme “ – na ndjekin prej shpie ,

Me knue  “Kangë trimërie “ – na del punë me shkie !...

 

Me knue kangë pushteti –  do t’ na ndjek  hyqmeti !

Me  knue  kangë  për  punët  – na ndjekin spiunët !

Me i  knue  legjendarët – nuk na i ndezin zjarret !

Me knue kangë hajgare  – nuk na i japin paret !

 

Me knue me za t’ butë – thonë s’ ka hangër bukë !

Me knue me za t’ naltë – thonë koka i daltë !

Me knue me za t’ egër  – thonë ka hangër egjër !

Me knue  për merakli  – thonë  ka  pi  raki !...

 

Sot , në dasmat tona n’ rend  demokratike –

Nuk kanë vend në oda  zemrat  fanatike !

Nuk  duan këngë burrash , as patriotike ,

Nuk duan  këngë gurrash , jo as këngë kreshnike !...

 

Sot, po bëre e  këndove ndonjë  këngë për burra –

Të vërsulen gratë,    përzënë me turra !

Sot ,  po bëre e këndove  ndonjë këngë burrërie –

Do t’ përzënë prej dasmës , do  t’ ndjekin prej shpie !

Sot, ma nuk dëgjohen këngë për burrëri ,

Për heronj të kombit , as për trimëri !...

Sot, kërkohen këngët veç   për dashuri –

Meshkuj edhe femra  n’ valle me u shkri !

 

Si mos t’ këndosh , sot , këngë t’ larme –

Do t’ përzënë  me  fjalë të  tharme !

Si mos t’ këndosh këngë “Tallava “ –

Do t’ mbetesh pa bakllava !

 

Pa pikë teksti këngëtarët pallin –

Atmosferën kështu e kallin !

N’ melos t’ huaj e me gazela –

N’ çifteli nuk duan ma tela !

 

Sot, s’ ngon kush sa po e ngritë zanin –

Por , ma  nalt   kush po e çon fustanin !

Sot , s’ ngon kush si po e knon kangën –

Por , ma naltë kush po e  çon  kamën !

 

Sot , s’ dëgjon  kush  çka thotë plaku –

Por , ma tepër këqyret cullaku !

Sot , s’ dëgjohen këngë  për krizat –

Por , ma tepër shikohen  kërthizat !

 

Sot , ma kënga nuk dëgjohet –

Por , ma shumë  ajo shikohet !

Sot , s’ vlerësohet   kostumografia –

Por , shikohet pornografia !

 

Dikur , n’ mes dasmorëve të konakut –

Pleqtë uleshin n’ ballë t’ oxhakut !

N’ mes të burrave n’ qendër t’ odës –

Ulë këmbëkryq këndonin rapsodët !

 

Sot , në  odë të  burrave po ndodhin çudirat –

Rreth e rreth  oxhakut  po na ulen çikat !

Këngëtarët i flladisin , me shtat si filizat ,

Me  shamia  n’ dorë , ua presin mizat !

 

Gjilan, më 13.06.2016.        Demir KRASNIQI



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora