E shtune, 21.09.2019, 10:14 AM (GMT+1)

Aktualitet

Ramush Haradinaj mbërrin në Prishtinë

E enjte, 10.05.2012, 06:28 PM


Kryetari i AAK-së, Ramush Haradinaj ka mbërritur para pak çastesh në aeroportin ndërkombëtar të Prishtinës, “Adem Jashari”, bëjnë të ditur mediat kosovare.

Jo pak persona ishin mbledhur jashtë aeroportit për të pritur ish-kryeministrin, ndonëse AAK-ja kishte bërë thirrje për shmangien e tubimeve masive.

Haradinaj do të shoqërohet në shtëpinë e tij nga një makinë e EULEX-it, ndërkohë që nuk dihet ende nëse ai do të komunikojë më vonë me mediat.

Ardhja e Haradinajt në Kosovë u bë e mundur pas vendimit të gjykatës së Hagës për mbrojtjen e tij në liri. Vendimi i trupit gjykues nuk u kundërshtua nga prokuroria e gjykatës.

Pas marrjes së këtij vendimi, prokuroria kishte të drejtë ligjore që deri të mërkurën në orën 12 të paraqiste një ankesë, por nuk e bëri një gjë të tillë.

Gjykimi i pjesshëm i kryetarit të AAK-së nisi në korrik të vitit 2010. Vendimi përfundimtar në proçesin gjyqësor ndaj tij pritet të merret pas disa javësh.

Haradinaj udhëtoi për në Hagë në kohën që Gjykata Ndërkombëtare e Drejtësisë vendosi në favor të shpalljes së pavarësisë së Kosovës.



(Vota: 4 . Mesatare: 4/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT