E marte, 02.03.2021, 11:32 PM (GMT)

Kulturë

Poezi nga Silva Tërnava

E premte, 07.10.2011, 06:57 PM


Silva Tërnava, New Zeland

 

PESË MINUTA

 

Pesë minuta në shtëpinë time gjysh e babëgjysh

sytë e zgurdulluar me

erë baroti të etur për pikë gjaku të njomë

Pesë minuta me bakllavanë e ndotur

si ulkonja e vërsulur mbi shtatin e pafajësisë…

Pesë minuta

në butesinë e fëmijës pa bukë, pa ujë, në çmenduri...

Pesë minuta në tokën e bekuar të Arbërisë

dem baba dem pa emër pa shenja mbi dhe...

Pesë minuta shkretëtirë e trishtuar përcjellur me tymin e zi

Pesë minuta hijenat gjakatare holokaust mbi trupin e ri

Pesëmijë vjet lashtësie mbi shtatin e Parajsës Iliri…

 

 

TY

 

Ty që era të mori në largësi

e shiu ti lagu krahët në pakuptimin e kohës

Ty që rruga drejt diellit t’u shkëput

si vetëtima nga retë e zeza

Ty që rrugëtoje drejt dritës pa brenga

në sfida pandërprerë

si një fëmijë kureshtar me plot ambicje

Ty që cunami i tërbuar të mori

dhe në pakthimin e pashpjegueshëm u trete

Ty që mbete siluetë në vendin tënd

që gjithmonë të pret…

 

 

QYTETI MEMEC

 

Nata e zezë në qytetin e vdekur,

zëra që klithin pa shpresë në tmerrin ogurzi

horizonti injoron dorën e zgjatur me virgjëri,

nën tymin e shfrenimit të pakufishëm…

Heshtja vazhdon deri në sekondën tjetër

përshpëritja zbehet në hapesirë

mëngjesi zbardh i shurdhët,

fantazmat fluturojnë si qyqe mbi gjah…



(Vota: 17 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora