Kulturë

Një grua nga Tirana - roman i shkrimtares Helena Kadare në gjermanisht

E merkure, 22.07.2009, 06:45 PM

“Nje grua nga Tirana” romani i shkrimtares Helena Kadare eshte botuar ne gjermanisht. Nje nga shtepite botuese prestigjioze Residenz Verlag e ofron romanin e shkrimtares shqiptare per gjithe gjermanishtfolesit duke percuar tek ata jo vetem perjetimet e nje gruaje nga Tirana por edhe informacionin per Shqiperine ne kohen e diktatures. Romani i botuar ne shqip nga Onufri eshte perkthyer me pare edhe ne gjuhen frenge. Ne qender te romanit eshte Suzana, nje grua e cila jeton nje jete te qete ne qarqet intelektuale ne Tirane gjate viteve te fundit te diktatures se Enver Hoxhes dhe punon ne nje shtepi botuese shteterore si perkthyese ku ka detyren e veshtire dhe privilegjin per ate kohe te perktheje nga shqipja veprat e diktatorit Enver Hoxha. “Nje grua nga Tirana” eshte shume bindes dhe perben nje renditje domethenese ne perkthimet ne gjuhe te huaj te letersise bashkekohore shqiptare. Ndersa per lexuesin shqiptar qe e ka perjetuar periudhen e diktatures qasjet dhe intrigat politike ne veper nuk jane ndonje risi, lexuesi i huaj gjen sigurisht mjaft material politik dhe letrar per tu future brenda realitetit te perditshem ne ate shoqeri ekzotike dhe iluzive ne Shqiperine staliniste. Helena Kadare emër i njohur i letrave shqipe, pervecse gruaja e shkrimtarit të madh, është një ndër gratë e pakta romanciere në Shqipëri. “Një lindje e vështirë”, “Një grua nga Tirana”, e shumë vepra të tjera, e bënë atë një shkrimtare të dashur për publikun. Gjithashtu zonja Kadare ka përkthyer vepra të autorëve të njohur botërorë. Ajo ka lindur në Fier në vitin 1943 dhe ka studiuar për letërsi në Universitetin e Tiranës. Bashkë me Ismail Kadarenë ata jetojnë mes Parisit dhe Tiranes që prej fillim te viteve ‘90-te.