Faleminderit

Urime Ditëlindja - Artist i Popullit

E shtune, 27.06.2009, 03:37 PM

Dramaturgut të famshëm, zotni Sulejman Lokajt, Stafi i Zemrësshqiptare e Stafi i revistës “Shqipëria etnike”, ia urojnë 76-vjetorin e lindjes së tij të bardhë, me gjithë ato vepra e veprimtari kolosale- zenitore!
Ne në shenjë mirënjohjeje, me këtë rast, këto ditë, po ia ribotojmë veprën e tij madhore: “EVROPË, NDËRGJEGEN KU E KE?!”- Ti nëna ime e lashtë, Ti njerka ime e re!
Baca Sylë, urimet e përgëzimet tona, e çka me të thanë bre burrë, rrnofsh sa një urë!

BIOGRAFIA E DRAMATURGUT DHE ARTISTIT TË MADH- Sulejman Lokajt

Sulejman Lokaj u lind më 28 qershor 1933 në fshatin Lëbushë të komunës së Deçanit. Shkollën fillore ''progjimnazin'' e kreu në Strellë të Epërm dhe në Isniq, komuna e Deçanit.
Shkollën e mesme të artit figurativ e kreu në Pejë, ndërsa, SH.L.P. “dega e arteve figurative”, në Prishtinë.
Në vitet 1955-1964, punoi në arsim, ndërsa prej vitit 1964-1976 punoi si aktor në Teatrin e Kombësive në Shkup.
Prej vitit 1976-1992, kur doli në pension, punoi në Teatrin popullor të Gjakovës.
Pos ekspozitave individuale, ka amarrë pjesë edhe në shumë ekspozita kolektive.
Pos roleve të shumta teatrore, ka luajtur edhe shumë role filmike e televizive.
Ky është libri i parë i tij. Botimi i parë doli në Tiranë, (shqip dhe anglisht)
Më 1999, në Tiranë, botoi edhe librin e dytë: “Intervistë me Prometeun”.
Jeton në Gjakovë tok me bashkëshorten e vet të devotshme, zonjën Shqipe Grezda-Lokaj, mësuese në pension.

Kanë dy bij e tri bija e nipa e mbesa
e shumë-shumë stërnipa e stërmbesa
kanë shumë pritje dhe shumë shpresa
Artisti ynë është i një të fisme nane
edhe i fortë bash sikur një dru thane!

I ka dramatizuar afër 20 romane, dhe as ju ka kërkuar asnjë centi, as i ka dhënë kush asnjë kacidhe!!

(Vota: 0)