Faleminderit

Adem Berisha: Vështrim i shkurtër mbi jetën dhe veprën e profesorit, intelektualit, veprimtarit e krijuesit- Nexhat Rexha

E diele, 21.06.2009, 01:02 PM

Vështrim i shkurtër mbi jetën dhe veprën e profesorit, intelektualit, veprimtarit e krijuesit- Nexhat Rexha

Nga Adem Berisha, krijues

Nexhat Z. Rexha u lind më 01 shkurt 1956. në fshatin Topanicë, komuna e Dardanës (ish Kamenicës). Shkollën fillore e kreu në vendlindje, të mesmen në Dardanë, fakultetin filologjik – Gjuhë dhe letërsi shqipe pranë Universitetit të Prishtinës, në vitin 1980. Merret me poezi dhe kritikë letrare, aktualisht është edhe deputet në Kuvendin e Kosovës. Jeton në vendlindje, është anëtar i Lidhjës së Shkrimtarëve të Kosovës dhe kryeredaktor i revistës letrare “Nositi” në Dardanë.
Ditë më parë kisha fatin që me autogramin e vetë autorit Nexhat Rexha të më arrij dhe bie në dorë libri i tij “Ligjërime përjetimësh”.
Që në fillim dëshiroj që për kujdesin dhe respektin të cilin autori më ka bërë me dhurimin e këtij libri të mrekullueshëm, nga zemra të falenderoj, autorin e librit respektiv dhe të dy librave tjerë : “Ndrydhja e pikës K” dhe “Unazë qiellore”. Poashtu përgëzoj autorin për angazhimet e tij në veprimtarinë krijuese letrare, duke dëshiruar që së shpejti artit tonë letrar t’i dhurojë edhe krijime e libra të tjerë.
Libri “Ligjërime përjetimësh” është një kontribut i mirëfilltë, i cili i dedikohet artdashësit të artit tonë letrar, si një monografi mbi jetën dhe veprat e disa prej figurave më të ndritura letrare e kombëtare, siç janë: Fazli Geiçevci, Sabile Keçmezi-Basha, Halil Matoshi, Sinan Sadiku, Baki Krasniqi, Shpresë Ajvazi, Hasije Selishta-Kryeziu, Hysen Këçiku, Xhemail Halili, Mehmet Surdulli, Salih Shkodra, Paulo Coelho, Ibrahim Ibishi, Ramadan Haziri, Kadri Rexha dhe Jusuf Osmani.
Siç vlerëson edhe Dr. Hysen Matoshi në vështrimin e tij “Ligjërime mbi poezinë, prozën dhe autoktoninë”, autori për dallim nga dy librat e tij të parë që janë pjesë e botës së tij krijuese artistike, nëpërmjet librit “Ligjërime përjetimësh” na bëhet e njohur bota e tij intelektuale që shpërfaqet nëpërmjet gjykimeve mbi fusha të ndryshme të aktivitetit intelektual.
Strukturimi i librit në katër kapituj tematikë : “Nëpër vargje I”, “Nëpër vargje II”, “Alkimia e rrëfimit”, dhe “Diskurs mbi autoktoninë” është dëshmi e interesimeve të gjëra të autorit Nexhat Rexha për aspekte letrare, kulturore e shkencore, të cilat jo gjithëmonë ndërlidhen vetëm me trevën të cilës i kushtohet një pjesë e madhe e kësajë dëshmie.
Shkrimet e kapitullit të parë u dedikohen veprave poetike – atyre për të rritur, kurse kapitulli i dytë i titulluar ngjashëm, përmbledh vështrime mbi libra poetikë për fëmijë. Kapitulli i tretë përmbledh recensione mbi vepra letrare në prozë dhe kapitulli i fundit ofron trajtimet e autorit mbi aspekte të përgjithëshme që kanë të bëjnë me atdheun, atdhedashurinë dhe autoktoninë shqiptare të trevës.
Ashtu siç i vazhdoi angazhimet e tij në fushën e krijimtarisë letrare – poezisë, duke botuar kohë më parë librin e dytë, na mbanë shpresa se autori me sukses do të vazhdojë këtë angazhim edhe në të ardhmen do të ofrojë edhe kontribute tjera të këtij zhanri të shkrimit.

(Vota: 4 . Mesatare: 4/5)