Kulturë

Cikël poetik nga Engjëll Koliqi

E marte, 23.06.2009, 06:16 PM

INGRANAZH PROCESESH JEMI

Jemi sot

E do të jemi edhe nesër

Edhe gjithmonë

Si rrethet dhëmbëzore

Që vëjnë në lëvizje një makineri të tërë

Në të gjtiha proceset

Duke përmbushur të gjitha nevojat e jetës

-

In granazh procesesh jemi sot

Do të jemi edhe nesër

Edhe gjithmonë...

            Garlate (Lecco), 17 qershor 2009

ME LEMERI S’KENI JETË

Mos u tmerroni ju andej

Se kështu nuk keni jetë

-

Ne jemi ne

Origjinalë në trojet tona

Sikur dje

Edhe sot

Edhe nesër

Edhe gjithmonë

-

Mos u lemerisni dhe pranoni realitetin

Sepse

Gjërat e mira i bëjmë vetëm bashkë!

            Garlate (Lecco), 17 qershor 2009

NË MBATHTORE

E prunë një gomar

Edhe një kali

Pastaj i prunë edhe qetë

...

Që të gjithë i mbathën me patkonj

Vetëm e vetëm për t’i shfrytëzuar

Për t’i bartur e tërhequr barrët

...

Por njerëz nuk prunë

Edhepse janë shumë që meritojnë

-

Le t’i mbathin njëherë njerëzit

Të gjithë ata që meritojnë

Para gomarëve e para kuajve

Le t’i mbathin edhe para qeve

            Garlate (Lecco), 19 qershor 2009

SEÇ MUGULLON NJË DASHURI

Atje lartë në qiell

Në palën e reve

Dhe këtu në tokë

Seç shihet një gjallëri

Me të gjitha shenjat e jetës

Gjithçka mugullon

Çon kryet haptas një dashuri

Pra

Le ta pranojmë

Le ta përqafojmë

Këtë dashuri të madhe

Me shumë domethënie

Le ta përqafojmë

E me dashuri

Këtë botë të intereseve të fëlliqta

Përfundimisht ta ndërrojmë

            Garlate (Lecco), 20 qershor 2009

TASH MUND VETËM TË KAPËRDIHENI

Tashmë

Keni mbetur të paguqishëm

Me zërin e shterur

Vetëm kujtim i së keqes

-

Ne po ecim përpara

Në fronin mbretëror jemi padronë

Me sovranitet të plotë

-

Po fillojmë tashmë

Vallen solemne të kënduar

Të mësuar nga dashuria

Për ta nderuar dashurinë

-

Ju të pafuqishëm

Shkoni a kapërdihuni

Dhe jepni fund jetës

Se për këtë botë

Nuk keni mbetur më

            Garlate (Lecco), 21 qershor 2009

(Vota: 2 . Mesatare: 3/5)