E diele, 16.02.2025, 05:39 PM (GMT)

Kulturë

Sevdail Hyseni: Hipokriti

E hene, 09.12.2024, 03:27 PM


Sevdail Hyseni

Satirike

Hipokriti

Hipokriti quhet, mjeshtër i maskimit,

Virtyti i rremë, një art i mashtrimit.

Flet për drejtësi, me gojën plot moral,

E n’shpirt mban një botë me skandal.

Kur merr nismën aksioni shoqëror,

I pari ngarend me flamurin në dorë.

Në rrjetet sociale shpërthen ideali:

- Heroi ynë po na shpëton nga halli!

Përpara kamerave shkëlqen lavdërimi:

- Falë atyre si unë, me burim frymëzimi!

Kur media ikin, thotë kur mbetet vet:

- Pa mua kjo botë, vërtet, s’ka lezet!

Një festival maskash një ditë në Hajat,

Qytetarët ftojnë Hipokritin fjalëzjarrtë:

- Vish maskën e bukur që e ke krijuar,

Se ti je mjeshtër për botën e ilustruar!

Ai, paraqitet pa maskë, krenar si kurorë:

- S’dua maskarada, jam i pastër si borë!

Qytetarët qeshin, ia kthejnë me ironi:

- S’mjaftojnë dy fytyra, për ty o zotëri!”

E vërejti Hipokriti, ku qëndron problemi,

Kot shtiret në popull, me maska karremi.

Në qytetin tonë shpesh thuhen këto fjalë:

- Kush jeton dyfytyrësh, ngelet në përrallë!




(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora