Zekerija Idrizi: Pranë varrit të Kryeheroit Gjergj Kastrioti - Skënderbeu

PRANË VARRIT TË KRYEHEROIT GJERGJ KASTRIOTI - SKËNDERBEU

Nga Zekerija Idrizi

Kur u afrova pranë varrit të Kryeheroit të Arbërisë Gjergj Kastriotit-Skënderbeut, sakaq më mbërthyen trupin mornica të shumta dhe mu rrënqeth kurmtë e lëkurës. Sikur isha në ëndërr dhe njëkohësisht në një realitet të prekshëm që e shqisoja mrekullisht. Fatamorganë! Gjergj Kastrioti Skënderbeu më mori për dore dhe më uli pranë në të djathtë.

Në imagjinatë m'u parafytyrua një peizazh marramendës. Fantazmagorikisht, m'u paraqitën përballë gjigantët e kombit: Leka i Madh - Aleksandri, perandori Konstandini i Madh, perandori Justiniani i Parë, Shën Jeronimi (që i dhuroi Biblën në latinisht Evropës), Papa Shën Klementi XI (Gjon Françesk Albani), Pjetër Bogdani, Pjetër Budi, Ali Pashë Tepelena, Mehmet Ali Pashai, Mimar Sinani, Karl Gega, Aleksandër Mojsiu, Ismajl Qemajli, vëllezërit Abdyl, Sami e Naim Frashëri, Hoxhë Hasan Tahsini, Mufti Vehbi Dibra, At Gjergj Fishta, Fan Stelian Noli, Papa Kristo Negovani, Komandanti legjendar Adem Jashari, Hamzë Jashari, Presidenti historik i Dardanisë Dr. Ibrahim Rugova, legjendari - Nelson Mandela shqiptar Adem Demaçi, Komandant Zahir Pajaziti, Komandant Katana - Agim Ramadani, dëshmorët Fehmi dhe Xhevë Lladrovci, e shumë viganë, komandantë luftarakë, dëshmorë e martirë të kombit e atdheut. Krah pë krah me ta erdhën edhe gratë më të fisme të kombit: Mbretëreshat: Olimpia, Daidamea e Teuta, mandej Rugjina Balsha, Donika Arianit Kastrioti, Elena Lukrecia Peshkopia, Elena Gjika apo Dora D'Istria, Parashqevi e Sevasti Qiriazi, Shote Galica, Nora e Kelmendit, Janica Martinaj apo Tring Smajlja, Rozafa, Sabiha Kasimati, Laskarina Bubulina, Lejla Rasih Dino, Marie Shllaku, Musine Kokalari, Shote Galica, Nurije Zeka, Nermin Vlora Falaski, Myrvete Maksuti, Ylfete Humolli, Antigona Fazliu e shumë e shumë patriote, heroina, martire e intelektuale të kombit, të cilat i udhëhiqte Heroina e kombit, zonjë Zahideja – nëna e fisme e Komandantit tonë legjendar të Ushtrisë Çlirimtare të Kosovës Adem Jashari…

Që të gjithë më përshëndetën përzemërsisht. I përshëndeta dhe unë i mahnitur skajshëm nga kjo atmosferë impozante dhe plot magji.

Ata po bisedonin e kuvendonin me Kryezotin e Arbërisë, Gjergj Kastriotin Skënderbeun.

Ky ishte një ambiginuitet, që tejkalonte kufijtë e kohës dhe hapësirës dhe kalonte në përjetësi. Zatën të gjithë heronjtë dhe të shenjtit e kombit janë gjallë, të pavdekshëm. Veprat e tyre madhore bëjnë dhe vazhdojnë të bëjnë akoma dritë deri në infinit ndër breza e shekuj në shqiptari.

Kur më pa Skënderbeu, u ngrit në këmbë, pushoi fjalimin, m'u afrua dhe më foli ëmbël:

- "Mirë se vjen arbëror i devotshëm! Je i mirëseardhur në logun e kuvendimit tonë! I dashur Zekerija, mos pusho kurrë të përdorish fjalorin dhe veçanërisht lapsin për të ndriçuar vlerat dhe personalitetet markante të kombit tonë! Ky është misioni yt sublim atdhetar ndaj kombit dhe Atdheut. Në këtë rrafsh vepro ditenatë, me plot energji dhe përkushtim të thellë! Në veçanti, të lutem, me penën tënde të artë shpartallo dhe dekonspiro planet djallëzore dhe armiqësore të qarqeve radikale e fundamentaliste të shqipfolësve anti-shqiptarë e tradhtarë të Mëmëdheut! Lufto bashk me të gjithë veprimtarët e kombit kundër të gjitha forcave armiqësore pushtuese!

- "Skënderbe, më duhet të të them sinqerisht, Zotin e kam dëshmitar, të dua shpirtërisht! Nuk ka laps në botë që mund ta përshkruaj këtë dashuri timen që kam ndaj imazhit hyjnor, burrërisë dhe hirësisë tënde!“

„I dashur Zekerija, unë po se po, të dua, por dhe Zoti, engjëjt, yjet, dielli, hëna e qiejt të duan, sepse ke një dashuri të virgjër dhe zemër të dëlirë, pavarësisht të metave dhe viktimizimit tënd mëkator ballë tundimeve të djallit ... Por, po më bën një fije merak kur herë-herë të shoh të zymtë, të vrënjtur në fytyrë dhe të merakosur. Më trego, lum vëllai, çfarë të mundon?“

„Ah, vëlla! Disa njerëz të pavirtytshëm, shqipfolës tradhtarë në të gjallë të kanë pas damkosur, e në të gjallë e në të vdekur edhe në gijotinë e ferr të kanë shpënë! E, ky fakt i hidhur më bën të çmendem nga dëshpërimi! Kanë dalë në skenë shumë palo-historianë të tipit të Olsi Jazegjiut turko-osmano-fil, të cilët po vjellin vrerë kundër teje dhe po përbaltin historinë tënde heroike e legjendare".

„Im vëlla, mos u merakos fare për këtë, pasi që në këtë botë të joidealtë të pavirtytshmit i kanë damkosur, persekutuar, syrgjynosur e vrarë shumicën e profetëve, shenjtorëve e shenjtoreve, patriotëve dhe idealistëve. Ata e hodhën në turrë zjarri Abrahamin – këtë mik të Perëndisë. I masakruan mizorisht Zakarijanë dhe të birin e tij Gjon Pagëzorin. E dënuan me burg të rëndë Jozefin. E blasfemuan, e torturuan barbarisht dhe e gozhduan në kryq të birin e Perëndisë, Jezu Krishtin, dhe e përbaltën çnjerëzisht të ëmën e tij, të bekuemen Shën Mëri, si dhe i hodhën në zjarr e i persekutuan në guvat e errëta katakombeve qindra mijëra, madje dhe miliona, besimtarë e besimtare të devotshme…., Ju bënë Attentat bijve më të lavdishëm të kombit si: Imer ef. Prizrenit, Haxhi Zekës, Hasan Prishtinës, Idriz Seferit, Bajram Currit, Azem Betës dhe kend jo tjetër! Po, vallë, a nuk e helmuan për vdekje dhe profetin Muhamed, e persekutuan, e dëbuan nga vendlindja dhe ia masakruan më të dashurit e familjes dhe më besnikët nga dishepujt e tij?

Dhe, mos harro kurrë, paradoksalisht është ky një ligj dialektik që rrëfen për faktin e hidhur, të dëshmuar katërcipërisht në histori: idealistët o janë nën dhe, të mbytur në kushte e rrethana mizore, o, në janë gjallë, janë të persekutuar, të burgosur, të sakatuar e të syrgjynosur, si dhe jetojnë kryesisht në kushte mizerable ekonomike e psiko-mentale, tamam po sikur të jenë "kufoma të gjalla"..."

„Po vëlla Skënderbe! Për më keq, ata shkuan deri në ekstremin tjetër fantazmagorik, duke i paraqitur figurat kolosale bibliko-kur'anore si personalitete imagjinarë e inekzistentë! Ata profetin Isa dhe të ëmën Merjeme i vranë moralisht e shpirtërisht qysh në lindje, madje edhe në paralindje, duke i shpallur ata krijesa imorale e të përdala deri në dhjetë breza në gjenealogjinë e tyre familjare. A nuk është ky një nga krimet më të rënda në këtë planet??!!!"

„Po vëlla, mjerisht! Por, mos ki dert, se nuk shuhet, jo, kurrë Drita e Perëndisë e as zhbëhet dashuria e prushtë ndaj kombit dhe Atdheut, derisa të frymojnë e veprojnë dishepujt e dritës dhe atfhetarët e flaktë e të devotshëm në këtë botë. Ke parasysh, kjo dritë dhe kjo dashuri e prushtë me hirësinë e Perëndisë do të verbojë prore ithtarët e errësirës, të tradhtisë e të djallit, ithtarët që me mendësinë e tyre të djalltë prodhojnë dhe, më saktë thënë, fabrikojnë e sajojnë imazhe nga më rudimentaret për figurat famëmëdha historike, qoftë profane, laike e shekullare, qoftë sakrale e religjioze…"

„Vëlla Skënderbe, seç më rrëmben një duf zemërak t'i shqelmoj e t’ua fus shpullë mullaqeve gjithë atyre judo-iskariotëve të sotëm tradhtarë, që t'mos shtohet më kurrë fara e tyre kobndjellëse në tokë! Heu, Zoti i mallkoftë ata!“

„Jo vëlla i imi, të lutem mos mallko! Mallkimi nuk është virtyt i të devotshmëve e shenjtorëve. Neve duhet të na karakterizojnë virtytet më të larta të moralit njerëzor dhe arbëror: mëshira, urata, përdëllesa e bekimet“

„Çfarë të bëj pra, më këshillo vëlla!“

„Zekerija, përgjithmonë vëji në shërbim fjalën dhe penën e urtësisë e të dashurisë!“

„Skënderbe, po ato, domosdo, por, herë-herë, do të vë në shërbim dhe shpatën tënde kundrejt gjithë judo-iskariotëve, hamza-kastriotëve, moisi-golemëve e haxhi-qamilëve maskarenjë e tradhtarë, të cilët po përbaltin si mos më keq çdo vlerë tonën kombëtare dhe shpirtërore dhe po komprometojnë figurat më emblematike të kombit e atdheut tonë!“

„Jo, vëlla! Përfundimisht, në çdo kohë e rrethanë do t'i vësh në përdorim trurin, uratën e shpirtit dhe lapsin dituror, kurrsesi, në asnjë rast, shpatën time!“

„Ah, mor Skënderbe, çfarë të bëj unë i shkreti që më vie të pëlcas nga inati e mëria teksa shoh kombet tjera, veçanërisht fqinjtë tanë sllavë që personalitet e tyre i marrin edhe nga balta, i ngrenë dhe i shndërrojnë në mite, legjenda e figura historike, ndërkohë që ne kemi përplot të tillë, por nuk ua dimë vlerat dhe, akoma më keq, i përbaltim , i damkosim dhe i komprometojmë në mënyrat më groteske!“

„Fakt që kjo është tragjike, por, mos u merakos shumë, se kombi ynë i lashtë pellazgo-iliro-shqiptar ka pas, ka dhe do të ketë ndër breza e shekuj dhe shumë burra e gra të fisme që do të jenë pararojë e fuqishme në ruajtjen , mbrojtjen dhe vlerësimin meritor të çdo vlere e figure markante kombëtare. Përndryshe, nuk do të na mbante toka dhe, ehuuu, moti do të na zhbënte apokalipsi (kjameti).“

„U shtoftë kjo farë fatndjellëse për Atdheun, i dashur Gjergj Kastrioti Skënderbeu!"

„Amen! U shtoftë për jetë e mot, im vëlla! Por dua të të porosis dhe diçka me vlerë mjaft domethënëse: Ndiq me zell e parimësi rrugën hyjnore! Frika, paniku, pesimizmi e defetizmi askurrë mos të të rrëmbejnë zemrën dhe trurin! Nuk ka fare rëndësi si vdesim, aksidentalisht apo fatkeqësisht, në shtrat, në zjarr apo në betejë. Rëndësi të madhe ka të jetojmë e të vdesim dinjitetshëm, idealisht dhe shqiptarisht, duke qenë në paqe me Zotin, me familjen, me rrethin, me kombin, me atdheun dhe me botën në tërësi. Dhe, mos harro, duke qenë se je profesionalisht teolog, ndiq me përpikmëri rrugën atdhetare të viganëve të kombit: Hoxhë Hasan Tahsinit, Mufti Vehbi Dibrës, Haxhi Zekës, Imer ef. Prizrenit, Hafiz Ali Korçës, Hafiz Ibrahim Dalliut, Hoxhë Said Najdenit, Hoxhë Kadri Prishtinës, Mulla Idriz Gjilanit etj.!

Për fund, të lutem, mblidhi të gjitha kokat intelektuale dhe atdhedashëse arbërore dhe punoni bashkërisht dhe parreshtur deri në ribashkimin e gjitha trojeve tona shqiptare nën ombrellën e Shqipërisë Etnike - Natyrale!

- "Komandant, të siguroj që do të punojmë e luftojmë në këtë ideal mbarëkombëtar deri në pikën e fundit të gjakut! Jemi të përbetuar në këtë besë dhe ideal madhor kombëtar".

" i dashur Zekerija, ngjeshni mirë radhët dhe njësitet ushtarake dhe pastroni ato nga hipokritët, tradhtarët dhe dezerterët! Dhe hapni sytë mirë dhe veproni në kohë dhe me urgjencë kundër agjenturave sllavo-file dhe kundër agjenturave serbo-ruse dhe turko-arabo-aziatike, që kanë depërtuar në trojet tona dhe në mërgatë dhe po përdhosin e përbaltin simbolet dhe personalitetet tona historike kombëtare, si dhe po mëtojnë të zhbëjnë kombin dhe shtetet tona kombëtare, duke dashur të instalojnë sheriatin islamik dhe rikthimin e sulltanatit osman në Arbëri ..."

- „Skënderbe i dashur, do të punojmë me kujdesin dhe vigjilencën më të lartë në atë drejtim! Por, pashë atë Perëndi, vazhdo të lutesh për fatin tim, për fatet e kombit e të atdheut tonë, si dhe për paqen në glob!

Më vie të pëlcas nga mllefi kur dëgjoj krrokamat e disa hoxhallarëve maskarenj tek denigrojnë ngjarjet, simbolet dhe personalitetet tona historike kombëtare. Hoxhë Mazllam Mazllami e quan leckë flamurin kuq e zi, Hoxhë Shefqet Krasniqi e dërgon në ferr Shën Nënën Terezë, Imam Aliu nga Shqipëria e konsideron haram (rreptësisht të ndaluar) festimin e 28 nëntorit, ditës së Pavarësisë së Shqipërisë; hoxhë Irfan Salihu pohon që nuk ka pasur shqiptarë në Dardani (Kosovë) para vitit 1470; një hoxhë tjetër të konsideron Ty "qen" dhe të akuzon se ke vrarë myslimanë e shumë paradokse e gjepura të tjera anti-shqiptare".

"Zekerija, i dashur, nuk e shoh të rrugës që nëpër qytet dhe fshatrat tona shqiptarët myslimanë ndërtojnë edhe nga tre faltore e xhami, me arkitekturë mjaftë moderne, duke investuar edhe me miliona euro në themelimin dhe riparimin e tyre. Madje edhe miliona euro të tjera shqiptarët i shpenzojnë për të vajtur në haxhillëk. Ndërkohë që ne si komb kemi nevojë për shkolla, universitete, çerdhe fëmijësh, biblioteka, kopshte të bukura, teatro, fabrika, ushtri të armatosur mirë etj. Nga ana tjetër, një pjesë bukur e madhe e popullit tonë gjenden në zgripc të ekzistencës dhe kemi plot varfanjakë, jetimë dhe familje të dëshmorëve të kombit, të cilët kanë shumë nevojë për t'i ndihmuar ".

- "Po, Skënderbe. Mjerisht pjesa dërrmuese e popullatës sonë është e paarsimuar dhe ka vetëdije dhe ndërgjegje të ultë kombëtare, ndërkohë që vetëdija fetare është në kulm. Por, gabimin tjetër fatal gjatë historisë e bëmë kur u islamizuam masovikisht dhe kishat, manastiret dhe katedralet tona katolike e ortodokse ua falëm serbëve, malazezëve, maqedonasve dhe grekëve. E, ata, shih tragjedinë, ndërtuan edhe qindra tempuj të tjerë dhe kisha sveti-saviane në Iliricum dhe nga to krijuan mitin e rrejshëm se Kosova si djep i shqiptarizmit është "tokë e shenjtë serbe", "Jerusalem serb", si dhe e shpallën veten e tyre "popuj hyjnorë". Shih tragjedinë Kishat Ortodokse Sllave bashk me akademikët e tyre i thurën megalo-idetë dhe projektet e tyre fashistoide, gjenocidale e shfarosëse dhe i kanë bekuar të gjitha masakrat dhe aktet gjenocidale, urbicidale dhe kulturocidale mbi neve shqiptarëve dhe mbi truallin e atdheun tonë etj.".

- "I dashur Zekerija, kishat, manastiret dhe katedralet e krishtera është dashur t'i ruani po sikur sytë e ballit, sepse në to shqiptarët e krishterë janë lutur ndër shekuj e breza në gjuhën shqipe dhe nga ato kanë dalë priftër, meshtarë e famullitarë patriotë të flaktë, të cilët i krijuan veprat e tyre monumentale kombëtare dhe i shërbyen me dinjitet të lartë kombit dhe Atdheut".

- „Vëlla i dashur, do të lutem me shumë shpirt! Lutu dhe ti, të bekofte i Madhi Zot ty, kombin tonë dhe mbarë njerëzimin në botë, pa dallim krahine, etnie, race e feje! Por, për ato deklaratat anti-shqiptare të disa hoxhallarëve tradhtarë mos u merakos fare, sepse nuk shuhet dot prushi i shqiptarizmës te atdhetarët dhe patriotët e flaktë të Shqipërisë Etnike-Natyrale".

„Ashtu u bëftë, vëlla i dashur! Amin!?

"Amen, im vëlla!?

Pas kësaj bisede të paprecedentë, u dridhën toka dhe qiejt, ndërkohë që yjet me qindra zogjë, bilbila e shqiponja hidhnin vallen e shotës në kor në mënyrë të magjiktë, duke përshëndetur dy bijtë atdhedashës të Arbërisë ... Njëkohësisht, një zë buçitës dhe i furishëm përplasi për tokë hipokritët dhe tradhtarët anti-shqiptarë. Ata i përpiu dheu... Sakaq mbretëroi heshtja. Nuk pipëtinte asgjësend në këtë heshtje varri....  Ndërkaq, unë dhe Gjergj Kastrioti - Skënderbeu, dolëm triumfatorë ...

Në fund ne dyt brohoritëm zëshëm:

RROFTË SHQIPTARIA DHE SHQIPËRIA ETNIKE-NATYRALE!

Zekerija Idrizi, fragment nga dorëshkrimi im "LETËR KRYEHEROIT TË ARBËRISË GJERGJ KASTRIOTI SKËNDERBEU"

Për më shumë vizitoni:

https://www.facebook.com/zekerija.idrizi.31