E premte, 29.03.2024, 02:32 AM (GMT)

Kulturë

Demir Krasniqi: Masakra e Llashticës

E hene, 01.04.2019, 06:06 PM


MASAKRA E LLASHTICËS

Dua me nisë një këngë me këndua –

Kësaj Llashticës me ia kushtua !

Granatimet me ia kujtua –

Kurrë për jetë mos me i harrua !

Kujtojmë natën e bombardimeve

Dhe t’ përgjakshmet aktet e krimeve ,

T’ kriminelëve  serbijan –

N’ Anamoravë , Karadak , Gjilan !...

Gjeneratat e reja kudo që janë ,

N’ asnjë moment t’ harrojnë nuk banë –

Krimet serbe që ndodhën n’ Gjilan ,

Në Nasalë , Pidiq, Shurdhan !...

Në Lladovë , Zhegër , Llashticë ,

Në Bresalc , Zhegovc , Vërbicë ,

N’ Malishevë , Uglarë , Cërrnicë ,

N’ Miresh , Maxhere , Kokaj , Sllubicë !...

N’ Pogragjë , Llovcë e Përlepnicë ,

N’ Arbëri e Velekincë ,

N’ Anamoravë e n’ Karadak –

Që kjo tokë u la me gjak !

N’ Anamoravë , n’ orë t’ hershme e t’ vona –

Janë vrarë 116 persona ,

Te të gjitha moshave dhe gjinive ,

T’ profesioneve dhe mjeshtërive !...

T’ gjitha këto vrasje që janë regjistruar –

Janë kryer në mënyrë të organizuar !

Nga forcat ushtarake edhe policia ,

Forcat paramilitare t’ ardhura nga Serbia !...

Këto vrasje e krime kurrë nuk do të vyshken –

Ato shënojnë data e periudha t’ ndryshme !

Duke filluar nga 24 Marsi i vitit 1999 –

Deri më 20 Qershor 1999 !...

Më 27 e 28 Mars 1999 –

Fshati Llashticë , u granatua nga çdo anë !

Më 28 Mars 1999 –

Kush u vra n’ Gjilan dhe në tjera anë ?!

Më 28 Mars 1999 –

Qyteti i Gjilanit u trondit në çdo anë !

Na u vra Meleke Xhelal Rashiti –

Prej plumbave t’ armikut na i doli shpirti !

Fshati Llashticë , kur është granatuar –

Pati dhjetëra t’ vrarë , t’ plagosur e t’ dhunuar !...

Por , deri më sot , asnjë serb i dyshuar –

Nuk është ndjekur penalisht , as nuk është dënuar ?!

Fshati Llashticë , për shkak t’ afërsisë me Pasjan –

Fshat fqinj i banuar krejt me serbijan !

Ishte i pari fshat , që do t’ përjetonte rrebe

Dhe do t’ rrezikohej nga ofensivat serbe !

Vrasja , pushkatimi dhe djegia e kufomave në këtë fshat –

Shënon dhunën e të gjitha forcave serbe ditë e natë !...

Të udhëhequra nga ushtria , policia dhe grupet paramilitare –

Që synonin ta qesin fare  popullatën shqiptare !

Në Llashticë , gjithçka ka nisur më 27 Mars 1999 –

Ku makineria nisi të granatojë fshatin në çdo anë !

Granatonin fshatin n’ mënyrë t’ pa kontrolluar –

Nga  sytë e serbëve të Pasjanit duke u vëzhguar dhe ndihmuar !

Në fshatin Llashticë – vendbanim shqiptarë ,

Pati dhjetëra njerëz t’ plagosur e të vrarë !

Pati njerëz t’ plagosur edhe të dhunuar –

Për ta , asnjë serb kurrë nuk është dënuar ?!

Më 27 Mars 1999 –

Në Llashticë , u mbush plot vaj edhe gjëmë !

Makineria serbe , nisi për të granatuar ,

E të gjuaj me armë n’ mënyrë t’ pa kontrolluar !

Të gjitha këto krime t’ makinerisë serbijanit –

Ndihmoheshin , vëzhgoheshin nga  serbët e  Pasjanit !

Fshati Llashticë , për shkak të afërsisë dhe fqinjësisë –

I pari rrezikohej nga ofensivat e Serbisë !

Vrasja , pushkatimi dhe djegia e kufomave në këtë fshat –

Shënon dhunën e forcave serbe , që përsëritej ditë e natë !

Shënon dhunën serbe që udhëhiqej nga ushtria ,

Grupet paramilitare edhe policia !...

Sipas rrëfimeve të shumë dëshmitarëve –

Llashtica , ishte n’ mes luftës edhe zjarreve !

Llashticasit , lëshojnë fshatin prej kiametit –

Dhe vendosen tek vendi “Ara e Rexhepit” !

Për masakrën në Llashticë –

Përgjegjëse është ushtria e Serbisë ,

Që ndihmohej nga policia ,

Paramilitarët dhe çmenduria !...

Kështu rrëfen Ymer Ibishi –

Për masakrën shpjegon shumëfishi !

E lanë Vranjën , Leskocin , Nishin –

Ma vranë babanë Sylejman Ibishin !

Për natën e 27 Marsit 1999 –

Rrëfen Ibishi për çdo anë !...

Thotë :”Tërë fshati u izolua –

N’ male n’ tenda u strehua !”...

Fshati ishte boshatisur ,

Popullata ishte braktisur !

Serbët e Zhegrës , Pasjanit , Budrikës –

Gjithçka kishin plaçkitur n’ fshatin e Llashticës !

Më 13 Prill 1999 –

Ushtria dhe  paramilitarët ishin çua në këmbë !

Rrethojnë vendin nga çdo anë –

Banorët shqiptarë ku ishin kanë !

Konvoji ushtarak :”Dora e zezë” –

Mbi shqiptarë pushkët kishte ndezë !

Të ndihmuar nga paramilitarë –

Vret pafajshëm banorët shqiptarë!...

Ushtoi mali , u trand zabeli –

U vra pafajshëm Enver Murseli !

Nga pushkët dilnin flaka e tymi –

U vranë Ymer Rashiti e Ali Selimi !

Nga ky moment familjet shqiptare –

Bëhen peng t’ grupeve paramilitare !

Nga paramilitarët serbë ma t’ keqtë –

Rrahën t’ rinjtë , torturohen pleqtë !...

Dhuna e ashpër serbe , këtu nuk përfundon –

72 familje i futën me dhunë n’ kolonë !

Afër 700 banorë , ushtarakët e serbijanit –

I dërguan n’ drejtim t’ fshatit të Pasjanit !...

Kalimi nëpër fshatin Pasjan , në agun e hershëm –

Qysh thonë dëshmitarët , ka qenë shumë i tmerrshëm !

Ka pasur fyerje e sharje t’ fëlliqura  nga më t’ ndryshmet ,

Përjetimi i hidhur ndër shekuj nuk ndryshket !...

Kolona e banorëve të fshatit Llashticë –

Drejtohet për në fshatin Sllatinë të Vitisë !

Më 13 Prill 1999, banorët e Sllatinës –

N’ shpija i strehojnë familjet e Llashticës !

Asnjë organ hetues derisa t’ ekzistojë –

Masakrën e Llashticës , nuk guxon ta harrojë !

Krimet që janë bërë n’ këtë fshat pranë Pasjanit –

Ky fshat mund të quhet “Reçaku i Gjilanit” !

Fshati Llashticë , pos masakrës , zhdukjes së bagëtive –

E ka përjetuar edhe djegien e shtëpive !

Aty janë plaçkitur teknika bujqësore ,

Aty është dëmtuar dhe shkolla fillore !...

Nga këto forca serbe , si ujku dhe bisha –

Është dëmtuar shkolla fillore “Esat Berisha” !

Është djegur xhamia , ambulanca , biblioteka ,

T’ gjithë lokalet e fshatit mbetën si të shkreta !

Në Llashticë , janë djegur 123 shtëpi ,

137 objekte ndihmëse dhe për amvisni !...

Aty janë plaçkitur rrafsh 90 traktorë ,

3 autokombajna , 120 motokultivatorë !...

Janë plaçkitur 3 kombibusa , që ishin për burra ,

1 kamion i madh dhe 130 vetura !...

Serbët kishin plaçkitur 680 kafshë të trasha –

Këso krimesh s’ kanë bërë as mbreti , as pasha !...

Nata e bombardimeve

dhe krimet e përgjakshme serbe në Gjilan

Tashmë dihet saktësisht për krimet ,

Se vrasjet , pushkatimet , dhunimet ,

Plagosjet , vjedhjet dhe plaçkitjet –

Zhdukja e gjurmëve është bërë me dijet ...

Dhe përcjelljen e aparatit shtetëror serb ,

I cili ndihmohej nga forcat ushtarake qelb ,

Që nga Vranja , Leskoci e Nishi kanë ardhë –

Bashkë me paramilitarë për të vrarë shqiptarë !

Edhe pas hyrjes së forcave të NATO – së ,

N’ Gjilan , serbët janë inatosë !

NATO mbronte vatrat tona –

Serbët na i vranë 15 persona !

N’ statistika dhe arkiva janë parë –

N’ Gjilan e rrethinë , sa shqiptarë janë vrarë ?!

147 persona shqiptarë na janë vra –

Prej tyre 25 femra , vajza edhe gra !...

Sipas këtij raporti në arkivat tona –

N’ Gjilan janë plagosur 75 persona !

Përveçse shumë gjërave , ne që na i kanë humbur –

4 persona llogariten se diku janë të zhdukur !...

Forcat serbe kanë djegur tërësisht 950 shtëpi ,

Pjesërisht i kanë djegur 452 !...

Rreth 7321 shtëpi janë plaçkitur ,

Shumë ari e stoli me dhunë janë grabitur !

Në Zhegër , janë djegur 393 shtëpi ,

Kurse n’ Përlepnicë , 123 shtëpi !

Dëmet e ekonomive  familjare t’ kësaj ane –

Kapin shifrën 177 milion e 201 mijë marka gjermane !

Ushtria serbe e ndihmuar me polici dhe  paramilitarë –

N’ mënyrë t’ organizuar kanë vrarë shumë shqiptarë !

Kanë vrarë fëmijë e nxënës , studentë e shkollarë ,

Bujq e shurdhmemec , rojtarë e hoxhallarë !...

Zjarrfikës ,  drejtor shkolle edhe profesorë ,

Amvise , taksistë , kanë vra minatorë ,

Juristë të diplomuar , inxhinierë e kamerierë –

Gjithkënd që dyshonin se ka karrierë !...

Sipas shënimeve të nxjerra nëpër dokumente ,

Nga komisionet  përkatëse kompetente –

N’ Komunë të Gjilanit me territore t’ vete ,

gjithë t’ vrarët kanë jetuar në 31 lokalitete !

Me krime , me vrasje , luftë e sakrificë –

Më e rënda ishte masakra në Llashticë !

T’ rënda ishin krimet n’ Zhegër e n’ Zhegovc ,

Në Vërbicë , n’ Lladovë , po edhe në Llovcë !...

Vrasja e Meleke Rashitit në Gjilan

Gjilan ka pasur vrasje individuale gjithë fare –

Nga forcat ushtarake , policore serbe dhe paramilitare !

Më 28 Mars 1999 –

Vrasja e Meleke Xhelal Rashitit , tronditi qytetin dhe çdo anë !

Ai Xhelal Rashiti , tregon një t’ vërtetë –

Vajza e tij , Melkja , kur ka ndërruar jetë :

“Meleken e moshës 15 vjeçare ma grabiti lufta –

Ma vranë n’ mbrëmje , n’ orën 21 e 45 minuta !...

Vajza ime , është qëlluar me pesë plumba në trup –

Nga katër persona t’ uniformuar – paramilitarë t’ pa turp !

Ajo , është goditur në anën e djathtë t’ abdomenit dhe krahut –

Taksirati ju ardhtë shkijeve shumëfish prej Allahut !

Kam dëgjuar më vonë , se n’ vrasjen e vajzës  sime –

Kanë marrë pjesë dy serb të njohur për krime !

Njëri i quajtur “Nenadi”, kurse tjetri “Zara” –

Bishave  serbe që vrasin fëmijë , iu huptë rraja e  fara !

Nga plagët e marra dhe  mos kujdesi mjekësor –

Vajza ime e plagosur , jetoj vetëm tri orë !

Për shkak se spitali kontrollohej nga ushtria dhe policia –

Meleke Rashiti , pas tri orëve vdes te shtëpia “ !

Më datën 28 Mars 1999 –

Nga granatimi i forcave serbe u përfshi çdo anë !

Nga forcat serbe  n’ lagjen “Zabeli i Sahit Agës “ –

N’ Malishevë të Epërme shkuan plumbat e granatës !

Nga granatat që i zbrazën  ushtarë e paramilitarë –

N’ Malishevë të Epërme dy gra na i kanë vrarë !

Feride Bajram Muhalla dhe Hasije Rexhep Rexhepi –

Që të dyja nga Kmetovci – vdekja këtu i gjeti !

Nga ky granatim , armiku që e shkrepi –

Është plagosur rënd  dhe Blerim Rexhepi !

Ibrahim Halimi dhe Hidajete Hamdi Shaqiri –

Patën plagë vdekjeprurëse nga armik qafiri !

Më 28 Mars 1999 –

Gjëmë e vaj n’ Gjilan edhe në çdo anë !

Nga një granatë serbe që e kaploi tmerri –

Pa pikë faji vritet Xhemail Zenel Ymeri !

Xhemajli , ishte  i lindur në fshatin  Lladovë –

Që s’e kishte shoqin askund Kosovë !

Nga ballkoni i shtëpisë , Xhemajli shikonte –

Se si NATO , caqet po i bombardonte ?!

NATO , bombardonte caqet e Serbisë –

Xhemajli u vra n’ ballkon të shtëpisë !

Serbët gjuajnë me granatë , për t’ shfryrë xhelozinë –

Xhemajlin e vrasin n’ vend , ia dëmtojnë shtëpinë !

Elnaim Ymeri – djali i Xhemajl Ymerit ,

E kujton babanë dhe rastin e tmerrit !

I kujtohet lagja “Zabeli i Sahit Agës” –

Shtëpia e granatuar dhe vdekja e babës !...

Me sy të përlotur , Elnaimi kujton :

“Rreth 13 granata janë hedhë mbi shtëpinë tonë –

Ku ishim të strehuar përmbi 20 veta

Dhe ku me minuta na numërohej jeta !...

Drejtpërdrejtë  goditi granata , babanë tonë –

Që n’ ato momente ndodhej në ballkon !

Pas varrimit t’ prindit , serbët aty mbërrinë

Dhe na e  demoluan  në tërësi shtëpinë “ !

Më 28 Mars 1999 –

N’ lagjen “Qenar Qeshme “ , u ngrit vaj e gjëmë !

Aty na u vra Zyhrije Sherif Pireva –

E lindur n’ familje t’ njohur në këto treva !

Flet Sherif Ymeri , në rolin e babës :

“Granatimi është bërë nga “Zabeli i Sahit Agës “ !

Me granatë , Zyhrija shumë keq është qëlluar –

Vetëm edhe katër ditë ajo ka jetuar !”

Në këtë vrasje që dallohet më shumë nga këto treva –

Është plagosur edhe vajza Fikrije Bislim Pireva !

Fikrije Bislim Pireva , nuk gëzoi diell , as dritë –

Nga granata e ushtrisë serbe u plagos në t’ njëjtën ditë !

Në bazë të tregimit të Abdullah   axhës –

Fikrija është plagosur në të dy krahët !

Abdullahu , me një t’ afërm e marrin ta dërgojnë –

Në spital Fikrijen , që plagët  t’ ia shërojnë !

Paramilitarët serbë , n’ qendër t’ qytetit i  kanë ndaluar –

Shtinë n’ drejtim t’ veturës në mënyrë t’ pa kontrolluar !

Fikrije Pireva , kjo vajzë e re shqiptare –

Sërish është plagosur nga plumbat  paramilitare !...


Gjilan, më 01.04.2019 . Demir KRASNIQI



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora