Nebi Dragoti: 'Meze' me haiqe

NEBI DRAGOTI

“MEZE“ ME HAIQE

1-

Për Vitin e Ri meze

me haiqe satirik politikës…

I bëftë mirë!

2-

Gjendja sociale

e marinuar nga Qeveria

me erëza varfërie…

3-

Radha- vdekje!

Pse kaq shumë radhë?

Shtim punësimi zyrtarësh…

4-

S’po kuptojmë gjë më

çfarë qeverie kemi!?

Më mirë pa qeveri…

5-

Te psikiatri, goxha.

Pse bukur mbajnë radhë?

Ha, ha, haaa!

6-

Shet a s’ shet mend…

(Lozin) pozita opozitës,

opozita pozitës…

7-

Protesta, protesta

po-pu-llo-re.

Dobësi Qeverie.

8-

Politika mashtron,

i kanë dalë “lakrat’’

duke llapur, duke llapur.

9-

Ai me halle,

ne, ju me halle.

Pa halle politika…

10-

Petagogu

“favorizon “ me lekë.

Godit Vetting!

11-

Njeriu trutharë:

qenin e mban për shok,

shokun e mban për qen…

12-

Një poet, një kritik

mburret për mençuri.

Sa fare kot e kanë.

13-

Reklamë:-Bli lirë,

jeto star…

Praktikohet e kundërta.

14-

Politika për festë

s’do t,ia dijë për çmimet.

Çmimet në stratosferë…

15-

Ngrihet tymi i duhanit

spirale…Ke harruar:

dëm shkon leku…