Sevdail Hyseni: Babadimri në arrest

Sevdail Hyseni

Satirike

BABADIMRI

NË ARREST!

N’ prag të motmotit

Viti i Ri Shqiptar,

Vendosi të shkoj

Në burg vullnetar!

Një vendim të tillë

E mori urgjent,

U mbushën burgjet

Plot me deputetë!

Drejtorë e zyrtarë

Me nam të kësaj ane,

Me një fjalë pushteti

U futën n’ hapsane!

Tani që i kemi

Burgjet me risi,

Të jesh i burgosur

Ku ka më kënaqësi?!

Nuk është si dikur

T’ mbyllesh në birucë,

Me hajna të ndytë

E me do’ derrkucë!

Reformat këtë vit

Nuk na dolën klluqe,

Burgjet u bënë shkolla

E shkollat në burgje!

Ti o Vit i Ri

Me thesin majë shpine,

S’ta prek Qeveria

Me nder, asnjë qime!

Ngase Ti o Vit

Nuk na vjen si shpesh,

Për të mos na ikur

Dhuratat për lesh!