Sevdail Hyseni: Shkove dhe ti Bac!

SHKOVE DHE TI BAC!

(Poezi kushtuar Adem Demaçit)

Ike Bacë Ademi, në rrugën pa kthim

E na le një emër me vepra kujtim...

Një simbol lirie, që nuk shuhet kurrë,

Si ylli në qiell e Shqipja n’ Flamur!

Nuk të lodhën vitet e kauzës kombëtare,

As ato në burgje për çështje shqiptare!

Kur ishe në burg, të lexonim fshehur,

Po edhe pas grilave, qe një pushkë e ngrehur!

Për “Gjarpërinjtë e gjakut” le një porosi,

Nuk matet me çmim lufta për liri!

Po t’i Bacë Ademi, ke parë edhe vet

Kush heq për Atdhe e kush për pushtet?!

Sevdail Hyseni