E enjte, 28.03.2024, 12:54 PM (GMT)

Shtesë » Lajme

Konferencë: Trashëgimia kulturore e Preshevës

E premte, 16.03.2018, 10:31 AM


N  J  O  F  T  I  M

Shoqata për Trashëgimi dhe  Krijimtari Kulturore e Luginës së Preshevës, me seli në  Preshevë

O R G A N I Z O N

Konferencë shkencore : “TRASHËGIMIA KULTURORE JOMATERIALE SHPIRTËRORE E LUGINËS SË PRESHEVËS  DHE VISEVE SHQIPTARE”

Koha dhe vendi i mbajtjes: 6  e 7 korrik 2018, Preshevë

Pjesëmarrës në Konferencë: studiues dhe përfaqësues nga të gjitha trevat shqiptare / Shqipëri, Kosovë, Maqedoni, Mal i Zi, Lugina e Preshevës, diaspora, etj.

Koha e paraqitjes së temës/abstrakti/ dhe punimi për Konferencë dorëzohet deri më 15 qershor 2018.

Tema e punimit : 8 deri 20 faqe, në rradhorin 12.

Koha e referimit në Konferencë : 10 minuta

Hartimi,publikimi i Programit të Konferencës dhe njoftimi i pjesëmarrësve bëhet më 24 qershor 2017.

Kontakti: Xhemaledin Salihu, tel. 017.660-676 dhe 063 8771423

E-mail adresa : shtkkpresheve@yahoo.com, xhemaledin_s@hotmail.com,

xhemaledin47@gmail,

Shoqata për Trashëgimi dhe Krijimtari Kulturore në Preshevë /17523/, rr.Sava Kovaçeviq,nr.80

Qëllimi i Konferencës: Shqyrtimi dhe trajtimi shkencor i Trashëgimisë kulturore jomateriale shpirtërore e Luginës së Preshevës.Synimi i Konferencës: Botimi komplet i materialit në një publikim/vepër/.Lugina e Preshevës dhe viset shqiptare kanë një pasuri të bollshme të trashëgimisë kulturore jomateriale shpirtërore, e cila nuk është hulumtuar, studiuar , trajtuar e shqyrtuar shkencorisht sa duhet.

Andaj qëllimi kryesor i saj është që në suaza të mundësisë ajo të hulumtohet, studiohet, trajtohet dhe shqyrtohet me metoda shkencore, pastaj për ta përmbledhur në një libër për publikun, për të arriturat sidomos të Luginës dhe viseve shqiptare në këtë lëmi, të trashëgimisë kulturore jomateriale shpirtërore.

Sipas  wikipediasë: “Trashëgimia kulturore jomateriale shpirtërore, nënkupton praktikat, paraqitjet, shprehjet, gjuhën, njohuritë dhe krijimtarinë popullore, si dhe veglat, objektet, artizanatin dhe hapësirat kulturore që bashkëshoqërojnë ato, që bashkësitë, grupet dhe, kur është rasti, individët i pranojnë si pjesë përbërëse të trashëgimisë së tyre kulturore. Kjo trashëgimi kulturore jomateriale, përcjellë brez pas brezi, është krijuar në shekuj e në vijimësi nga bashkësitë dhe grupet në funksion të mjedisit të tyre, të ndërveprimit të tyre me natyrën dhe të historisë së tyre, dhe u jep atyre ndjenjën e identitetit dhe vazhdimësisë, duke ndihmuar kështu për promovimin e respektit për diversitetin kulturor dhe të krijimtarisë tradicionale njerëzore.”

Në trashëgiminë kulturore shpirtërore (jomateriale) bëjnë pjesë :

1.Përdorimi i gjuhës në veprat letrare.

2. Mitologjia, religjionet dhe kultura fetare

3.Folklori gojor i ruajtur në kujtesë, i shkruar ose i regjistruar.

4. Folklori vokal, koreografik dhe instrumental.

5. Zakone dhe doke tradicionale.

6. Besime dhe bestytni të traditës.

7. Zejet e ndryshme tradicionale.

PRA, TEMAT E STUDIUESVE MUND TË TRAJTOJNË E SHQYRTOJNË:

- ZEJET DHE ARTIZANATET SHQIPTARE

- VESHJET

- DOKET DHE RITET

- BESIMET POPULLORE

- LETËRSIA POPULLORE/LEGJENDAT, PËRRALLAT, GOJËDHËNAT,       KËNGËT, NINULAT, GJËEGJËZAT, E TJERË/.

- KËNGËT POPULLORE

- DASMAT DHE MORTI

- VALLET POPULLORE

- GJUHA SHQIPE/PËRDORIMI I SAJ/

- MITOLOGJIA, RELIGJIONET DHE KULTURA FETARE

BORDI i Konferencës:

1.Prof. dr. Nebi Islami, filolog, dramaturg,

2.Dr. Rovena Vata, albanologe, studiuese-kritike,

3.Xhemaledin Salihu, profesor, studiues

Preshevë, më 15 mars 2018

Kryetar i SHTKK-së,

Xhemaledin Salihu, profesor

P.S.Gjatë mbajtjes së Konferencës, mundësisht do të organizohet edhe xhirimi i Dasmës preshevare.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora