Nebi Dragoti: Bëhem për vete

NEBI DRAGOTI

 

BËHEM PËR VETE…

 

Klidit dhe Tomas

 

ZEMËR GJYSHI

 

Dy nipër kam atje larg

dhe malli djeg porsi zjarr.

 

Gjysh kush është, kush,

digjet, gjoksit ka prush.

 

Lum kush ka nipër, mbesa,

gëzim të madh i ka zemra!

 

 

DIMËR

 

Dhe dimrin ne e duam fort

me ajrin e pastër dhe të ftohtë.

 

Me borë natyrën dizinfekton,

me fshesë era rrugët pastron.

 

Dalim në male, dalim në fushë,

trupi gjithë muskuj na u mbush…

 

Dukemi bukur: sportiestë, alpinistë

e këngës ia marrim ne shoqërisht.

 

 

BËHEM PËR VETE…

 

-Bëhem për vete njeri i mire:

jam bërë kështu dhe për të gjithë.

 

Marr dituri shumë e më shumë,

bëhem për vete i zoti për punë…

 

Nëna  e baba më do dhe më thotë:

-           Bëhu për vete i pari ndër shokë!

 

Bëhu për vete ,zili kushdo të ketë,

shembull kudo, shembull në jetë.

 

-Bëhem për vete njeri i mrë:

jam bërë kështu dhe për të gjithë.

 

 

FJALË E MIRË

 

Fjalë e mirë, një fjalë goje,

mos e kurse, voglush, aspak…

Të bëhet shok, të bëhet shoqe

E të mirat fjalë i ke pa mat…

 

Fjalë e ngrohtë, fjalë e dlirë

ëmbël, ëmbël del nga zemra;

është e shtrenjtë porsi dritë,

muzikë e bukur porsi kënga.

 

Vogëlushe, bën shoqe shumë,

vogëlush, kjo është fitorja;

sa lulëkuqe nëpër fushë

juve mjaltë u nxjerrtë goja.

 

Është flori, ç’ flori sakaq,

të mirën fjalë mos ta kursesh.

shokë e shoqe varg e varg

ti sa të duash do të kesh.

 

 

LEJLEKËT

 

Lejlekët ikën qiejve, sa lart,

si avion të vegjël të bardhe.

 

Vende të ngrohta për çerdhe

në kërkim fluturojnë sipër reve.

 

Ja, ja të bardhë, të bardhë

me krrak- krrak ikin qiejve lart.

 

Shënim: Vjersha për fëmijë.