E marte, 22.06.2021, 09:42 PM (GMT+1)

Kulturë

Kalosh Çeliku: Varrimi i kufomave politike

E marte, 20.06.2017, 06:52 PM


VARRIMI I KUFOMAVE POLITIKE NË BIBLIOTEKËN KOMBËTARE

NGA KALOSH ÇELIKU

 

(E gdhiva Veten

në Ëndërr)

 

Pasmesnate, ende i pagjumë. Djersë

Djalit Vogël, nesër t’ia siguroj bukën.

Shteti “përbashkët” e kishite hudhë në rrugë

Shkaku shkrimeve të mia publicistike?!

Dy djemtë tjerë e kishin shaluar Atin

Dhe, nuk kishin nevojë në kët luftë me penë.

Fushëbetejë, ku pak veta kthehen në Shtëpi.

 

Edhe lëmsh shkoj në shtratin e drurit plepit

Cilit mik t’i huazoj para. “Armë” politike?!

Gjumi më merr pak para Agimit Madh:

Para të paluara dengje-dengje rreth meje si Poet

Posa, kishin dalë të “freskëta” nga shtypshkronja.

E dija se, nuk është shenjë e mirë mistike

Unë e prisja Veten ta shoh në një tjetër Ëndërr.

 

Ditën e nesërme u dhash ushqim maceve

Hisen time, në frigorifer: Dy vezë të ziera.

Edhe, dy të tjera për Djalin e Vogël. Viktimë

Veten, e gostita me dy gota raki rrushi.

 

Ushqimi im i përditshëm, në Bit - Pazar

Mes dudumëve. Dhe, ferexheve të zeza...

 

(Sot u zgjova në shtrat

me Natën)

 

Pak poetë e ngatërrojnë Ditën me Natën

E, Unë e  ngatërrova Ditën me Natën?!

U zgjova pasmenate me Natën. E diel.

E kisha kaluar të shtunën mes Mutit Madh

Lakuriq, në një kabinë banjoje, në dy kate

Përpiqesha me ujë ta laj Veten nga Muti!

Telefoni celular mbi kokë ma bëri me dije:

Sot është e diel. Dita e djeshme iku në gjumë.

 

Askush, herët në mëngjes nuk kishte ardhë

Gaçi me bishtin mbi shpinë. As Djali Vogël.

E kishin parë me sy, se: jam harruar në gjumë

Përçudi, i kisha ngatërruar Ditën me Natën?!

Ditën e shtunë  e kalova fundekrye në gjumë

Ditën e diel, syhapur i zgjuar mes librave. Lugat.

Shenja çmendurie, do të thoshte Nëna ime Plakë

Imzot! E ngatërrova të Shtunën me të Dielën?!

 

Gjithë jetën kisha fjetur me Ditën mes Poezive

Sot, papritmas u zgjova në shtrat me Natën...

 

 

(Edhe kur t’u teket

e vrasin një varg)

 

I ndalin dritat kur t’u teket hadumët

Vetëm poetëve. Por, jo politikanëve.

Edhe të lënë pa bukë. Drita. Diell.

Nuk ka problem. Ti ke lind në errësirë

Luftë bën me Penë të dalësh në Dritë.

 

I ndalin dritat, kur t’u teket hadumët

Papritur të lënë pa bukë në errëzirë.

Dhe, e vrasin një varg rrebel Poeti.

 

Dudumët, që nuk e dinë ende Sot

Se, Poeti hakmirret edhe më keq

Sesa, partizanët e Rrospive politike...

 

 

(Përgjigje Gjenerales

në Luftën paqësore)

 

Pasdite marr Letër t’i shkruaj Gjenerales

Përmes internetit që ma ka rritur çmimin:

5.000000 dollarë. Paqësore që kërkonte Sot

Një Jetë të Re: Pa krime. Dhe, Luftë.

Jetë të lirë Katundi. Që, Unë s’e kam si Poet

Edhe Sot e kësaj Dite, nën Rrap e Qytet.

 

Dhe, kur vendos t’i përgjigjem Gjenerales

Mundet. Vetëmse, pa ato Çmime dashurie.

Papritmas, ndalen dritat. E vrasin një përgjigje

Mesdite, keq një varg. Çmim Poeti Shqiptar.

 

Ditën e Nesërme, e përcjell Natën Nuse

Edhe Ditën. Edhe netët një javë me koçi.

Nevojë kam për Vetmi. Dashuri. Dhe, Liri

Përditë, më vrisni me plumba kaq të “lirë”?!...

 

(Varrimi i kufomave politike

në Bibliotekën Kombëtare)

 

Edhe, m’i morët gati të gjitha pasuritë:

Arat e gjata. Livadhet. Pyellin e Babait.

Gruan azgane. Edhe Miket besnike

Honoraret e librave mi të “rrezikshëm”.

SHGB “ASDRENI”. Paratë në Bankë

Vetëm jo, edhe Penën time rrebele!

Dje, e Sot krah për krahu në Luftë

Ndez zjarre nëpër shkolla. Biblioteka.

 

Po. Gati m’i morët të gjitha. Plaçkitët

Pasurinë e Babait. Gratë e mia besnike.

SHGB “ASDRENI”. Paratë e librave

Jo, edhe Penën me të cilën hapa shtigje.

 

Edhe, luftë keni bërë të hyni në Libra

Pavetëdije se, Unë e shkrepi Penën.

U palojë kufoma në Bibliotekën Kombëtare...

 

(Katundin e solla Sot

në Kryeqytet)

 

Një javë plot ika nga Kryeqyteti

U ktheva në Katund pa drita.

Qytetërim. Pothuajse, në Mesjetë

Shkaku, se: Kryeqyteti m’i ndali dritat

Katundi ndezi Qiririn e Xhaxhit Naim.

 

Vërtetë, jetë e bukur në Kryeqytet

Pa drita. Pa shporet elektrik. Frigorifer.

Radio. Televizor. Internet. Facebook

Katundin, sot e solla në Kryqeqytet:

Macet e mia burra. Gra e fëmijë të prapë

Shtëpinë ma pastrojnë nga gjarpërinjtë...



(Vota: 17 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora