Nebi Dragoti: Njeriu i mirë

NEBI DRAGOTI

 

NJERI I MIRË

 

Poemë

I-

Qetësisht,

paqësisht:

rreth njeriut të mirë

bllokbashkuar

qindar,

mijëra,

miliona,

miliarda…

 

Botë e re

të drejtohet politikisht,

politikisht me Rilindje;

në focus

Rilindje për njerëzimin.

qetësisht…

paqësisht…

II-

Njeri i mirë,

o i miri njeri,

mirësia të bën të pushtetshëm

veshur me rreze të argjenda virtyti,

veshur me rreze dielli pranveror,

jetëdhënes të bën,

të bën vigan në planet,

vigan udhëheqes,

më i çmuari inferior.

 

Ne, njerëzit,

e rruzullit toksor

pjellorja tokë na mbanë gjallë.

Mban gjallë gjithë jetën kjo tokë…

Mbanë gjallë

njerëzit punëtorë,

të ndershmit,

të palodhurit

pa luftë,

pa gjak…

 

Begatia vjen me punë,

me punë nuk ka varfëri:

punë,

punë

për të gjithë!

Nuk ka begati

duke qëndruar

duar e këmbëkryq,

o ti njeri!

Në planet nuk ke ardhur

për të qëndruar parazit,

hej, o ti njeri!

 

III-

Shkencën e bëre ti,

o i miri njeri,

ti bëre zhvillimin e Botës,

ti, ballëndrituri.

Botën ti e lëviz përpara,

Botën ti e çon në luftë,

revolucioni ty të duhet

për ndërtim:

luftë diturie,

luftë zhvillimi

pa arsenal armësh,

pa pushkë.

 

Të rrezatojë veç mirësi

tek njeriu per njeriun,

veç mirësia të bëjë sfidë,

mirësia të jetë ushqim

për të parë afer e larg,

të jetë drite e përharshme në agim.

 

Hiqe ti kafshatën nga goja

dhe jepja atij që s’ka,

atij të uriturit varfanjak…

 

Veprimi,

mençuria jote kështu vlen,

vlen zemërgjërsia jote,

vlen

për të mirën e jetës,vlen,

o njeri…

 

Majave të larta të arta

shkencën e ngrite ti,

ti, mendjendrituri;

për njeriun shpike

kompiutër,

celular,

avion,

traktor,

lokomotivë…

 

IV-

Botë moj,

moj Botë,

ke arritur, ku ke arritur,

për gabime politike

këtu ku je,

keq ke arritur këtu.

 

Nën këmbë ke

tërmete sociale,

vullkane  të fashitur

krijuar

nga politikanë sharlatanë.

 

Mjaft me krime ordinere,

me krime lufte mjaft,

Thonjtë i ke bërë me gjak

me të zënë rob

e me burgosje gjithandej,

e me burgjet plot…

 

Njeriut i është futur

djalli në bark;

T’ia nxjerrim djallin,

po si t’ia nxjerrim

shpejt, shpejt

dhe sa më pare?

Njeriu nuk lind djall…

Njeriut djalli

i është futur në bark…

Kohë e sëmurë,

me grip jo,

jo, as me fruth,

kohë e sëmur keq,

e sëmur me kancer…

 

Ty të drejtohem

detyrimisht,

detyrën të bësh,

njeri i mirë,

fisnik,

se çdo gjë të mirë mbi dhe

ti e bën,

sigurisht.

 

O i miri njeri,

duhet zotësi

njerëzimin të mirëdrejtosh,

duhet njeri kryegjeni!

Mes njerëzve kryegjeniu është

ku, prej aty

fuqishëm

dhe me besimin plot

duhet ngritur ne fron

për ty,

Botë moj,

moj Botë!

 

V-

Njeri i mirë,

njeri i mirë,

ndeshu me të keqen e njerëzimit,

që njeriu mos të shtypë njerinë,

mos ta urrejë,

që njeriu mos ta vrasë njerinë,

(aktualitet i hidhur),

siç po e vret,

siç po e vret…

 

Hej, ti, ti

shiko, gjyko:

ndër popuj ushqe vëllazërimin,

lartëso

të hyjnizuar

të madhen,

reciproken,

njerëzoren,

dashurinë.

Shtetet të kenë

emërues të përbashkët

e ferrobeton të kenë

mirëkuptimin!

 

Respekt

për njeriun e çdo ngjyre,

duaje si veten;

mburojë jete bëhu,

mburojë e ngrohtë  rrezesh,

ketë lajtmotiv njerëzor

bujarisht

ne zemër ta kesh.

 

Rracat, sa janë,

ndërmjet tyre

barabar

me lidhje solide

e barazi ligjore

të kenë harmoninë,

e, për themel

drejtësinë të kenë.

 

VI-

Mos lejo të drejtojë i keqi,

i keqi dreq përmbys botën,

kur merr frenat e politikës,

rreh gjoksin dallkauku

e shet pordhë,

pordhë shet si më i forti.

 

E, vulëziu nuk e di,

se i keqi,

është i keqi i vetes…

I mallkuar është

njeriu shpirtzi,

i humbur e i vrarë

përfundimisht…

 

Përfundimisht

fundin tragjik ia jep

ideali ynë

ideali shoqëror,

ideali superior…

 

Në çdo hap veprimi,

që hedh

nxit beteja të përgjakshme

i keqi.

urrejtjen nxit,

luftën ka qejf;

ëndërron industri armatimi.

 

I sëmuri psiqik,

cikllop,

njeriu i lig

kërkon të zotërojë

armë kimike,

armë atomike,

raketë,

bombardues

që ty, o njeri i mirë,

të shfarosë,

të shfarosë

boten njerëzore.

 

Njeriu i keq

ëndërron shaluar

Industri armatimi

që të jetë superfuqi

edhe për planetet e universit,

të jetë tiran

egersirë mbi.

Çerdhe tiranie ngre kudo

si hitlerian,

si kanibal,

si kamikaz

të ushqehet me gjak,

Popujt t’i gjunjëzojë,

Popujt ta kenë frikë

njeriun e lig,

që nuk është më njeri.

 

I keqi i destinuar të vdesë,

nuk e ka të drejtën për të jetuar,

se, ne, njerëzit e mirë

kemi filozofinë e unitetit

dhe të jetës,

dhe të mendimit

e jemi bashkë

në idealin tonë perfekt,

më të fuqishmit

e botës jemi.

I keqi

i destinuar të vdesë…

 

VII-

Njeri i mirë,

o i miri njeri,

të pushtetshëm të bën drejtësia,

mençuria,

nuk ke rrugë më të drejtë,

ja, kjo është fitorja e jetës

dhe filozofia.

 

Paqa mbuloftë këtë Botë!

Burim Bote Paqa u bëftë!

Paqa e Botës pasuria më e madhe,

jeta e njerëzimit.

Triumfi është për të gjithë,

o vëlla, o shok, o mik!

Ushqe triumfin,

triumfin ushqe!...

 

Rracë e zgjuar,

e zhvilluara rracë

e njeriut të mirë,

e njeriut titan,

jepi prioritet në maksimum

zhvillimit industrial!

Përparësi të ketë

industria bujqësore,

(të harbojnë drithërat e bukes),

industria e tekstileve,

industria ushqimore

me të mirat e gjithçkaje

të ngrihet,

të matet

me lartësinë e malit Everest.

 

Gjithë industrinë

që fabrikon lumturinë

e që zhduk varfërinë njerëzore

të popujve,

jepu prioritet!...

 

Njeri i mirë,

o mendje flori i paqës,

o duar flori i punës,

o i miri njeri,

këtë ta kesh devizë,

devizë të kuqe veprimi,

veprimi dhe aksioni

njëkohësisht,

se kjo është shpikja sublime

e një dielli të dytë

për njerinë.

 

E, ky diell

me rrënjë rrezesh tek toka

ka token,

token ka për qiell…

 

Politikë tjetër nuk ka ,

nuk ka tjetër më të mirë

ligj zhvillimi,

o shok, o vëlla!

 

Si Sizifi me zjarr në dorë

me këtë politikë në fokus

e çon globin agimeve të reja

nëpër shtetet me paqë

me njëri-tjetrin lidhur fort,

vëllazëruar,

ideal bashkuar.

 

VIII-

Popuj,

mos rrini indifferent,

nga ne pret

i yni dhe i bukuri planet!

 

Popuj,

bëhuni më aktiv,

indiferentizmin,

pesimizmin

vriteni,

shkuleni,

groposeni

pa mëshirë.

 

Popuj,

të kemi udheheqës

njeriun e mirë,

njeriun e urtë,

njeriun punëtor,

njeriun e drejtë,

njeriun më shëmbullor.

Shtet më shtet

njeriu i mirë

faktor vendimtar

udheheqës të jetë.

Të jetë njeriu i mirë

me mendjen burim lumturie,

të jetë flamurtar

nga progresi në progres.

 

IX-

O njeri,

Popujt nuk duan luftë.

pse bëhen luftërat

ti mirë e di…

Politika e keqe,

udhëheqës të ligj

si ulkonja të babëzitura

nxitin

si qenë të terbuar

dhembët skërmitin.

…Vampirë këta,

këta vampirë të pështirë,

kur derdhen gjakrat,

këto qënie të liga

fërkojnë duart,

qeshin e kënaqen,

bëjnë sehir.

 

Mënjan njeriun e keq

të poshtrin,

të ligun

huligan,

drogaxhi,

njeriun shejtan,

mënjanë!

 

 

 

 

Tregti degjenerimi

rrugëve të botës:

mishi i bardhë

kushton lirë,

për një kafshatë…

Prostitucion:

putanojnë femrat,

punësojnë paranicën

edhe prapanicën punësojnë

të pistat,

imoralet,

femrat rrugaçe…

 

Njeriut të keq

në aradhën tonë

fara mos i mbiftë,

në aradhën tonë vend mos të ketë!

 

Tonin marrshim

mos ta pengojë askush:

mënjanë,

mënjanë,

mënjanë!

Kjo të jetë e shkruar

në të Botës Kushtetutë.

 

X-

Planetin tonë shiko,

shiko mirë dhe gjyko:

sa vdiqën urie,

sa u vranë sot…

 

Bota është në shkatrrim…

Rilindje, Rilindje, Rilindje

kërkon Bota, o njeri i mirë;

këtë vetëm ti ke për ta arrirë

për njerëzimin këtë mrekulli,

ti ke për ta arrirë, ti…

 

Për këtë thërras fort

unë biri e zëri i Shqipërisë

dhe përplas grushtet mbi glob,

ja , për këtë!

 

Njeri i mirë,

o i miri njeri,

në fokus të jetës të rrezatojë:

shkolla,

shkenca,

morali,

arti,

kultura, vlera.

 

Të rrezartojë kjo

si burim diellor ushqyes,

si burim diellor prosperiteti

gjithëherë!

 

Projektoje e zbatoje

këtë autostradë

për lartësimin e vetes,

o njeri i mirë,

për vetveten të jesh dhe ushtar!

 

Lëvizja e lirë

si ajri,

me kufijtë e shteteve në vend,(…)

pa mure kufijsh…

Njerëzit si zogjtë,

si pëllumba paqe

në lëvizje të lirë,

në lëvizje të lirë njeriu:

autostradë e xhamtë,

pa kthesë,

autostradë pa pengesë,

pa rrugë të bllokuara;

për njeriun kjo,

lumturisht

të jetohet jeta

ditëve me diell.

 

Të rrezatojë dritë, dritë,

besimplot, shpresëplot

si vërshim pranveror,

si gjithë natyra në gjelbërim

plot lulëzim e gjallëri

me rrobe të re karakteri

në çdo shtet

të vishet çdo brez,

çdo brez të vishet edhe mendërisht…

 

XI-

Atëherë…

Qeshet Bota,

qeshet;

lumturohet Bota,

lumturohet!

 

Atëherë po, po:

në vazhdimësi

Bota dhe shtetet qetësohen;

lumturohet dhe gazmohet Bota

me njeriun e mirë,

me të mirin njeri

në krye,

me kryestrateg paqe

e flamurmbajtës jete

Udheheqes.