Demir Krasniqi: Ndoc Mark Gega

Nga folklori ynë burimorë:

NDOC MARK GEGA

Se n’ Evropë , po knohet gazeta –

Nuk po zihet , ky Ndoc Mark Gega !

Ndoc Mark  Gega , ni fjalë pe flet –

S’e jap hutën sa t’ asht kjo jetë !

Sa t’ asht jeta , kurrë hutën s’ e  jap –

Për pa i la zaptitë me gjak !

Vocërr Prena ni faqezi ,

Marrke rrugën Vocrri me dai –

Mirë se t’ gjejë Pashë, more zotni !

-Mirë se vjen Vocërr faqezi !

-Mos më thuej Zotni, faqezi ,

Se t’ kam ardhë veç për myzhdexhi ,

Atë Ndoc Gegën qi e lypshe ti –

N’ Berishë t’ Madhe , Ndoci a hi !

-Çou , bre Vocërr , me na pri ,

Kam çaushin jabanxhi ,

Ato rrugë , Vocërr , nuk i di !

Nata terr tue rigue shi –

Vocërr Prena , ju  paska pri ,

N’ Berishë t’ Madhe , i paska shti !

N’ Berishë t’ Madhe , kur janë shkue –

Atë Ndoc Gegën , e kanë rrethue !

Kti Ndoc Gegës , i kanë kallxue –

Hyqymeti , Ndoc , t’ kanë rrethue ,

Kërkojnë pushkën me e dorëzue ,

Pushkë pa krisë , njeri pa u damtue ,

As pa u vra kush , pa u varrue !

Aj Ndoc Gega , ni fjalë pe flet –

Pesë dakika me mi dhanë myhlet ,

E kam ni plak, du me shkue me dvetë !

Pesë dakika ja japin myhlet ,

Shkon ma dvetke qatë babën Gegë –

Baba Gegë, qysh po don me m’ m’sue ,

Hyqymeti , babë, m’ kanë rrethue ,

Kërkojnë hutën me ja u dorëzue ,

Pushkë pa krisë , njeri pa u damtue ,

As pa u vra kush , pa u varrue !

Aj Gegë plaku , fort a ngërmue ,

Edhe Ndocit , shka i ka kallxue –

Mos metë Zoti, djali i jem pa t’ marrue ,

S’ jepet huta , biro, pa luftue ,

Qysh me u ba burri si grue ?!

Aj Ndoc Gega , fort ish kanë idhnue –

Ndihmo Zot , luftën e ka fillue ,

Shtatë , a  tetë ,  n’ ven e varrue !

N’ ven varrue nja shtatë , a tetë –

Ikë çaushi livadhit përpjetë !

Ikë çaushi përpjetë livadhit –

Nimo Zot , oj Nata e Bajramit !

Natë Bajrami , sonte a qillue –

Pej Ndoc Gegës , ti mue me m’ pshtue !

Pej Ndoc Gegës , si n’ pshtofsha vet –

Për zapti nuk po e kam dert ,

Se zapti ka boll Baba Mret ,

Pak n’ na vyefshin , na do t’ shkruejm apet !

Duel Ndoc Gega në derë t’ oborrit –

Nimo Zot , oj Nata e Shën Kollit !

Natë e Madhe, sonte je qillue –

Prej çaushit , ti në mujsh me m’ pshtue !

Prej çaushit , unë n’ pshtofsha vet –

Për babë – plakun , hiq s’pe  kam dert ,

Se i ka mushë plaki shtatdhetë vjet ,

Ma për pushkë , plaki nuk asht metë !

Shtatdhetë vjet , plaki i ka rrafshue –

I shkoj ymri , plakut , tue luftue ,

Me çausha , gjithë tue luftue !

***** Demir Krasniqi :”Kosovari këndon” – Prishtinë, 1975, faqe 274 .