Sport

Vllaznia perballje me Napolin

E premte, 01.08.2008, 11:03 PM

Nga Koha Jone

Vllaznia do te perballet me Napolin ne fazen e dyte te paraeliminatoreve per kupwn UEFA. Gjate shortit te hedhur diten e djeshme ne Nion te Zvicres, skuadra shkodrane u percaktua qe ndeshjen e saj ne kete faze ta zhvillonte me napolitanet. Perfaqesuesit e dy klubeve qe ndoqen hedhjen e shortit, pas percaktimit te dyshes, kane qene shume te kenaqur per kundershtarin qe do te perballen. Me i buzeqeshur dhe i kenaqur ishte Pierpaolo Marino, drejtor ekzekutiv i klubit te Napolit, kjo pasi eshte njoftuar per emrin e rivalit te blunjve. Per kete ka te gjitha arsyet, pasi me mire se keshtu nuk mund te shkonte sepse evitoi qe te perballej me Hajdukun qe u "peshkua" nga Deportivo la Korunja, ndersa napolitanet jane perballe nje testi me Vllaznine. Ndeshja e pare do te zhvillohet ne Shqiperi me date 14 gusht dhe transferta do te zhvillohet ne "San Paolo" ne 28 gusht. "Shorti nuk mund te konsiderohet i keq, kjo pasi do te shohim nje vend shume te mrekullueshem si Napoli dhe cdo enderr e shqiptari eshte qe te vizitoje Italine, kjo eshte nje mundesi e mire", deklaroi drejtori ekzekutiv i skuadres shkodrane, Ardian Zaganjori. Sipas tij, futbolli eshte vetem nje loje, ka nje mision te rendesishem ne kete loje, rezultati ne kete rast, per kete eshte shume i gezuar qe skuadra perballet me Napolin. Nderkohe sipas sulmuesit shqiptar qe luan me Lacion, Igli Tare, deklaron se tek Vllazia ka lojtare te ndryshem qe jane interesant, pasi eshte Sukaj, nje sulmues i ri, por qe kerkohet shume nga klube te ndryshme te serise A."Napoli niset favorit, por ne Shqiperi do te jete e veshtire. Futbolli italian ne Shqiperi eshte shume i shikuar, nuk ka ndodhur me pare nje gje e tille dhe do te jete keshtu nje feste e madhe, nje ngjarje unike", deklaroi Tare. Vllaznia u kualifikua me dinjitet ne turin e dyte eliminator te Kupes UEFA, duke e ruajtur te paster porten ne "Loro Borici", ne barazimin 0-0 me sllovenet e Koperit, teksa takimin e kishin fituar dy jave me pare me rezultatin 2-1.

Presidenti i Napoli, Laurentis: I kenaqur per sfiden

"Jam shume i kenaqur per sfiden qe do te zhvillohet, pasi nga shorti patem nje fat te mire, por qe nuk duhet nenvleftesuar per asnje moment. Ne fushat evropiane nuk kemi asgje te sigurt dhe lehtesia e shorteve duhet zgjidhur ne fushe. Ato kane nje stadium prej 15 mije vendesh, qe do te jete sigurisht e mbushur dhe per ne s'do te jete e lehte", deklaroi Aurelio Laurentis.

Tare: Napoli nuk e ka te lehte ne Shkoder

Sulmuesi shqiptar i Lazios, Igli Tare, i shprehur rreth ndeshjes midis Vllaznise dhe Napolit, e cileson kete perballje si shume te rendesishme, por jo te lehte per skuadren italiane. Kjo pasi, sipas sulmuesit shqiptar, me te vertete Napoli mund te jete favorit, por fitorja nuk do te jete aq e lehte per te per shkak se skuadra shkodrane ka nje sulmues te mire dhe te ri sic eshte Sukaj qe kerkohet nga klube te ndryshme dhe tifozet jane shume te zjarrte.

Zaganjori: Te lumtur qe perballemi me Napolin

Ardian Zaganjori, drejtor ekzekutiv i Vllaznise deklaron pas shortit se eshte shume i lumtur qe skuadra shkodrane do te perballet me klubin italian dhe per kete ai i beri nje ftese te gjithe tifozeve napolitan qe te vijne e te shohin ndeshjen ne Shqiperi.

"Ne fushe ne do te japim maksimumin tone dhe do te provojme qe te kalojme ne turnin tjeter. Jemi te gezuar qe do te perballemi me nje skuader italiane", deklaroi Zaganjori.

Fushaj: "Kunder Napolit, Vllaznia ben surprizen e radhes"

Presidenti i Vllaznise, Valter Fushaj, menjehere pas hedhjes se shortit te turit te dyte te Kupes UEFA, eshte shprehu se eshte nje gje shume e madhe per Vllaznine te ndeshet me nje nga skuadrat me te njohura te Serise A, Napolin. "Pak a shume e prisnim nje kundershtar te forte, por tani eshte veshtire te flitet per kualifikim, por behet fjale vetem per nje prezantim dinjitoz te futbollit shkodran ne Itali", deklaroi Fushaj. Vllaznia "peshkoi" Napolin ne turin e dyte eliminator te Kupes UEFA, nje nga tre ekipet me te forta te Grupit te Jugut, duke futur ne kete llogari edhe spanjollet e Deportivo La Korunjes e turqit e Beshiktashit. "Pa dyshim qe do te jete nje gezim edhe per tifozet e Vllaznise, pasi te luash kunder nje skuadre italiane nuk eshte gje e vogel. Ne do te bejme me te miren e mundshme per t'u paraqitur sa me mire kunder Napolit. Gjithsesi, futbolli ka dhe te papritura", theksoi presidenti i klubit me te vjeter ne Shqiperi. Vllaznia ne ndeshjen kunder Napolit do t'i mungoje sulmuesi Xhevair Sukaj, autori i dy golave ne ndeshjen e pare kunder Koperit, qe solli edhe kualifikimin per here te peste te shkodraneve ne turin e dyte te nje kompeticioni nderkombetar. "Jo vetem Sukaj, por nga Vllaznia gjate kesaj kohe mund te largohen edhe dy lojtare te tjere", nenvizoi presidenti i shkodraneve, duke lene keshtu te hapur mundesine e largimit te Admir Telit dhe Gilman Likes.

Rezultatet e shortit per turneun e dyte paraeliminator te kupes UEFA

Shiroki Brijeg (BIH) - Beshiktash JK (TUR)

SC Braga (POR) - NK Zrinjski (BIH)

PFC Lokomotiv Sofia (BUL) - FK Borac (SRB)

FK Vojvodina (SRB) - Hapoel Tel-Aviv FC (ISR)

Aris Thessaloniki FC (GRE) - NK Slaven Koprivnica (CRO)

PFC Litex Lovech (BUL) - Hapoel Ironi Kiryat Shmona FC (ISR)

RC Deportivo La Coruña (ESP) - HNK Hajduk Split (CRO)

APOEL FC (CYP) - FK Crvena Zvezda (SRB)

KS Vllaznia (ALB) - SSC Napoli (ITA)

Macabi Netanya FC (ISR) - PFC Cherno More Varna (BUL)

AC Omonia (CYP) - AEK Athens FC (GRE)