E diele, 09.02.2025, 06:02 AM (GMT)

Mendime

Gëzim Hoxha: Një imazh i ri për qytetin e Fierit

E diele, 03.05.2015, 11:04 AM


Një imazh i ri për qytetin e Fierit?

Nga Gëzim HOXHA

Duke ecur përgjatë rrugës “Skënderbeu ” ose siç njihet nga shumë njerëz e nga banorët e lagjeve “Bishanak” dhe “Liri Gero” rruga e kombit, emrin e një televizioni kabllor që gjendet në fillim të saj, shumë pranë qëndrës tregtare ETC, të zë syri disa ndërtesa në ndërtim e sipër dhe ndonjë prej tyre të përfunduar. Ato janë pikërisht stadiumi dhe 2 apo 3 fusha të lojrave me dorë. Mungesa e fondeve që do të bënin të mundur ndërtimin e tyre vonoi jo pak finalizimin e këtij projekti kaq të dobishëm për të gjithë komunitetin. Por zgjidhja e këtij problemi u bë e mundur aty nga vjeshta apo fillimi i dimrit të vitit 2013, me ndërtimin nga ELKOS grup të qëndrës tregtare më të madhe në qytetin e Fierit. Kështu bashkia e dha tokën në të cilën dhe ajo u ndërtua në këmbim të fondit prej rreth 860 milion lekë. Kjo shumë ishte sa vlera e tokës, por njëkohësisht edhe sa preventivi i projektit.

Duket se imazhit artistik të qytetit të Fierit po bëhen përpjekje t’i shtohet edhe ai sportiv në të njëjtën kohë. Kjo po bëhet e mundur me anën e shtimit të numrit të këndeve dhe terreneve sportive apo qoftë edhe rikonstruksionit të atyre ekzistuese. Qëllimi është I qartë. Synohet masivizimi i sportit, duke rritur interesin për sportet në përgjithësi me anën e shtimit të pjesëmarrësve në aktivitetet e ndryshme sportive, por njëkohësisht dhe parandalimin e sëmundjeve pasi më në fund është kuptuar që të parandalosh të kushton më pak se sa të kurosh një sëmundje të caktuar.

Studimet e kohëve të fundit tregojnë se marrja me një aktivitet të caktuar sportiv në përgjithësi ndikon për një jetë të shëndetshme dhe më të gjatë. Tashmë është fakt i njohur se njerëzit që merren rregullisht me sport jetojnë deri në 4 vjet më gjatë se njerëzit që bëjnë pak, ose asnjë lloj ushtrimi fizik. Ata gjithashtu bëjnë një jetë më cilësore. Kjo ndodh ngaqë ushtrimet e rregullta fizike ndihmojnë në parandalimin e sëmundjeve të zemrës dhe një sërë sëmundjesh të tjera. Ato i ndihmojnë njerëzit që vuajnë nga tensioni, diabeti dhe mbipesha trupore të rrisin cilësinë e jetës së tyre.

Por a ka ndonjë kufizim në lidhje me pjesëmarrjen në aktivitete të ndryshme sportive? Përgjigja është jo. Sporti nuk njeh moshë dhe as kufizim për shkak të një gjendjeje jo të mirë shëndetsore. Specialistët të thonë se edhe njerëzit që vuajnë nga sëmundjet e zemrës dhe artritit mund të kryejnë ushtrime fizike, sigurisht të kufizuara dhe duke u këshilluar më parë me mjekun. Studime të tjera tregojnë se ushtrimet fizike janë të mira edhe për trurin. Disa ekspertët thonë se ato pakësojnë rrezikun për sëmundjen e Alzajmerit dhe pakësojnë stresin dhe depresionin. Një studim me përfshirjen e më tepër se 10 mijë personave të moshës 35-55 vjeç për 10-15 vjet tregoi se me kalimin e viteve, tek njerëzit që bënin ushtrime fizike më pak se dy orë në javë, aftësia mendore ishte më e ulët se tek ata që bënin sport për një kohë më të gjatë dhe rregullisht. Gjithashtu, me aktivitetin e ulët fizik lidheshin kujtesa e dobët, fjalori më i kufizuar dhe aftësitë matematikore.

Por edhe pse jo të vetmet në natyrën e tyre, a janë të mjaftueshme këto investime në kënde apo terrene sportive për masivizimin e sportit në qytetin e Fierit? Pa shkurtimin e distancave apo një shpërndarje më të mirë gjeografike të tyre kjo ide, sado e bukur që mund të jetë, mbetet thjesht një ëndërr. Për realizimin e vëtetë të saj do të duhej të shfrytëzoheshin dhe ato pak hapsira mes apartamenteve, ende të pakthyera në sheshe ndërtimi dhe ngritja në to, qoftë dhe e ndonjë fushe të vogël futbolli, basketbolli apo të ndonjë sporti tjetër. Po ka dhe më. Rikonstruksioni i çdo terreni të mbetur i pazaptuar nga ndërtuesit dhe hapja e tyre për masat e gjëra. Këtu ia vlen të përmendet përmirësimi i kushteve të fushave apo kalçetove, siç I quajnë fëmijët, të shkollave 9 – vjeçare “1 Maji” dhe asaj “Pinallopi Pirro” ku ata luajnë futboll gjatë orës së fiskulturës.

Për hir të vërtetës, duhet thënë se në qytetin e Fierit po punohet relativisht shumë për materializimin e kësaj ideje. Në bashki, nga specilisti I cilli ka ndjekur nga afër punimet për përshtatjen e ambienteve të brendshme të ish Institutit Sizmik të Fierit, tashmë një godinë tejet e amortizuar, mësojmë se është bërë e mundur që në një spërfaqe prej 660 m² të dy kateve të saj, në salla për sportet e rënda të tilla si: mundja, peshëngritja, boksi dhe pse jo dhe për artet marciale. Këto salla të reja të pajisura me nga 4 dushe, 2 banja për çdo kat por, me salla force, si dhe me dhoma zhveshje i përmbushin më së miri kërkesat e kahershme të sportistëve që zhvillonin stërvitjen në kushte shumë të këqia. Aktualisht punimet kanë mbaruar dhe pritet vetëm pajisja e këtyre ambienteve me mjetet e nevojshme sportive. Për këtë shndërrim rrënjësor të tyre u desh një investim nga Bashkia Fier me një fond prej 3 milion lekësh dhe ndihma shumë e vyer e bizneseve kryesisht më materiale të ndryshme ndërtimi dhe hidraulike.

Po prej këtij punonjësi të bashkisë mësojmë se një projekt tjetër I kësaj fushe mori jetë dhe përfundoi në muajin Mars të vitit 2015. Fjala është për zëvendësimin e tapetit të Aneksit të stadiumit Fierit, aty ku stërviten ekipet zinxhir të Apolonisë. Konkretisht, në fiilim u bë nivelimi i fushës duke hedhur 2500 m³ çakull dhe 170 mijë kg rërë kuarci. Më pas janë hedhur 8500 goma të bluara që mundësojnë mbrojtjen e lojtarëve kur ata rrëzohen gjatë lojës ose stërvitjes dhe në fund u shtrua tapeti I ri I bari me sipërfaqe të barabartë me 8500 m². E gjithë kjo ndodhi si pasojë e një granti nga UEFA, të dhënë në formën e një fondi nga FSHF - ja. Madhësia e tij nuk n’a bëhet e ditur nga kjo e fundit edhe pse e kontatuam 2 herë me anë të postës elektronike. Ndërsa kontributi I Bashkisë së Fierit ishte tejet modest. Ai u kufizua vetëm në sigurimin e forcës punëtore dhe të specialistëve të fushës, të cilët së bashku me ata turq ndoqën punimet nga afër.

Ndërsa nga drejtori i ndërmarrjes shumë sportëshe z Agim Celibashi, e cila është në varësi të bashkisë të Fierit mësojmë se inventari i këndeve dhe terreneve sportive përfshin stadiumi në të cilin vazhdon pa ndërprerje puna dhe 2 apo 3 fusha të mbuluara të lojrave me dorë, të cilat siç e përmendëm dhe më lartë ndodhen afër qëndrës tregtare ETC, kalçetot tashmë të rikonstruktuara në 2 shkolla 9 – vjeçare “1 Maji” dhe asaj “Pinallopi Pirro”, si dhe kompleksin sportive “Apolonia” me 3 fusha dhe 2 anekse mini futbolli. Po sipas tij shërbimet që do të ofrojnë ky stadium si dhe sallat e lorjave do të ofrohen falas dhe kujtdo që dëshiron të merret me sport duke synuar masivizimin e tij.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora