E premte, 25.06.2021, 08:01 AM (GMT+1)

Kulturë

Mehmetali Rexhepi: Ndotësi i majit

E marte, 02.09.2014, 07:11 PM


Mehmetali Rexhepi

 

Ndotësi i majit

 

shikoje pendueshëm urrejtjen

nuk e shih atë kancer pos si kobe

veshe me petale skofiare

assesi t`ia shtrosh shtratin çerdhes së ulcerës

pa shpërthyer vrer  kapja dorën verës

lëre marrëzinë me rrënjë në erë

dhe ti kameleon indiferent

as një flutur nuk do ta gëlltisësh sivjet

krejt ngjyrat t`i lanë peng ty

nuk do ta identifikosh asnjë

 

*

ty do të përlajë shtrëngata

mbi drurin që e përpin flaka

diku me trajta  groteske

pa asnjë dorë të zgjatur

le të jenë duart tuaja

masha për prush e gështenja

nëse nuk vlen të arnohet jeta

me infuzione të pleksura

e bardha drejt së bardhës

e bardha s`është e bardhë

pa shkrepur vetëtimat

pa e flakëruar djegien diejt

 

*

ti nuk fale së paku një shkëndijë

as teshë nuk qepe

ece lajthitjeve lakoreve

të ligjit engjëll  djallëzuar  përkorave

grabite kur s`grabitej

more kur s`merrej

të është ngjizur gjaku

ha-ha-ha-ha-ha-ha-ha

një fije avulli e mëshirës

të mbështillet si litar i viktimës

 

*

urdhërdhënës i të zezave të gjata

thoshin kundër  thiut sëpata

tash çalaman e mjeran

majit zgotit tënd

lëvrijnë viruset gëlojnë tundën

mbyllni gojën dhe hundën

 

Gjilan, më 30 maj 2013

Spitali Rajonal i Gjilanit

 

 

Varka e mallëngjimit

 

rrezeve symbyllas

pamje ngashnjyse

pleksje ngjyrash

ujë i klorofiluar

fotosintezë imazhesh

të shqyera

shpëtuar nga djegia

copëza harrese

arnimesh të gjeneve

të ajrit të mbetur

të modifikuara

kësisoj

kanjushë e praruar

qiellit të syve

të mbyllur

relikti i vëthit të nënës

aleja me qiparisa

gu - gutë e Jusufit

 

*

mirëmëngjesi stres

disi do të më kafshosh

do të më sipër shfaqesh

nuk kam si ta fshehu

pos të mos më kundërmojë vesi

stresi i parë

edhe i paparë

mbillet në letër

dikush e vjel në etër

shushunja të kënetave

të thashethemnajës

i kultivoi liria

Ajo Virgjëreshë jona

nxjerr abortime

në ankande anonime

zonat intime

 

*

tungjatjeta stres

mirëupafshim

ndoshta edhe në vikend

bukurisë së shpifur i ngre fron

 

*

gu - guve të Jusufit

i huazova syzat

gurrave të mendimit

varka e mallëngjimit

 

Gjilan, maj 2012



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora