Ksenofon Dilo: I dashur, i paharruar Jorgo Telo!

Ksenofon  M.  DILO

I DASHUR, I PAHARRUAR !!

JORGO TELO !

Jorgo Telo o djalë, o vëlla , o shok i mirë.

Si shkuan  muaj  pa ty pa zërin tënd

Pa fjalën tënde pa buzëqeshjen e dlirë?

Si duket me miqtë e tu të vjetër je tani,

E kohën e kaluar kujtoni, nga lart na shikoni..

por sa shumë ne të gjithëve na mungoni,

Ne me mall e dashuri të pamatë

Ju kujtojmë e kemi për ju nostalgji!

Shkrimet tuaja lexoj dhe ndjej tek 'To

rredhshmëria të burojë lumë.

S'ka dyshim se penën e ngjyenit

në të madhen të pashtershmen gurë

Në atë ku drejtësia rridhte e kacavirrej

nëpër shpatet e thepisur buçimtare

derdhej në detin e kuq prej gjakut

të atyre që si dëshmorë të vërtetë

jetën e tyre dedikuan Atdheut e për të e dhanë

duke të patur edhe ty, si një mik të mirë pranë.

Kështu me mirësi dhe dlirësi e forcë burrërore

Drejtësia edhe e shkruar edhe buçimtare

në ujvarë të kthjellët u shndërrua

derdhet me zhurmë e oshëtimë

në oqeanin e vuajtjeve të këtij populli,

Gjithkujt t'i tregojë me vërtetësi

Ngjarjet si ndodhën , si me të vërtetë janë

E Ti i dashur Jorgo. je në atë katarakt.

Një zë , një rymë , një mësues i rallë

Që nuk u lodhe të shkruash për të vërtetën

Që do të mbetesh gjithmonë i ndershëm

gjithmonë i paharushëm,o vëlla e mik

në zëmrtat tona si një luftëtar i përhershëm

në shpirtin tonë melhem e balsam..

Dhe me nderim e dashuri do të kujtojmë

se Ti do të na sjellësh vërtetësinë pranë.

Ata që si ty punuan, nuk vdesin kurrë

Sepse në zemrat tona ngrohtë i mbajmë.

Prehu në paqe Jorgo o shok , o mik , o djalë

O mik i vuajtjeve që nuk pushove asnjëherë

Tani prehu në paqe dhe mos ki gajret

Je e do të mbetesh në zemrat tona

Një pjesë e Zagorisë heroike

Si bir i saj e mik i mirë e i rallë.

Mali i Dhembelit mirësisë sate sot e gjithmonë

Ai mal që ka kthyer gjithmonë dhimbje e gëzime

Në jehonë të pavdekshme buçimtare,

Ai mal edhe emrin tënd to ta jehojë.

do ta bëjë të dëgjohet , e të bashkohet

me buçimën e kataraktit që rrjedh e rrjedh

Dhe kam besim që një ditë e cila uroj

E bardhë të jetë për Shqipëri e Shqiptar

në atë ditë edhe ti me dëshmorët e vërtetë

të ngriheni një i vërtetë i madhërishëm lapidar!