E diele, 14.04.2024, 07:11 PM (GMT+1)

Kulturë

Demir Krasniqi: Pyetjet më bajate

E diele, 22.09.2013, 08:03 PM


Nga tradita jonë:

PYETJET MË BAJATE NË PËRDITSHMËRINË TONË

Shkruan: Demir KRASNIQI

Përditshmëria jonë , sa është interesante , po aq është edhe e çuditshme ! Kontaktet me njerëz , sa janë të ëmbla, po aq janë edhe të hidhura ! Gjatë kontakteve dhe bisedave me njerëz , shumëkush mundohet te të kruaj , por pa e matë mirë peshën e fjalës, jo rrallë , ajo e kruar ta qet edhe gjakun nën lëkurë !

Këto gjëra jo të këndshme ndodhin gjithmonë përmes kontakteve në mes njerëzve dhe pyetjeve të palogjikshme , pyetjeve provokuese dhe pyetjeve të pa kripë !

Ndër pyetje më bajate të cilat na shtrohen për çdo ditë , gjatë kontakteve me njerëz të ndryshëm , po i veçojmë vetëm disa prej tyre :

Në ditët e sotme , gati se është e pa mundshme që të ulesh me dike në tavolinë për të pushuar dhe për të pirë kafe , e të shpëtosh pa t’u parashtruar pyetja :

”Në cilën parti je”?!

Po ashtu , që nga fillimi i fushatave zgjedhore , njeriu i sotëm nuk do të lihet i qetë për ta ngritë gotën , për pa iu shtrua pyetja :

“Kujt do t’ia japësh votën”?!

Po qe se je diku në marrëdhënie pune , atëherë në çdo kontakt  e biseda me njerëz , nuk mund t’i shpëtosh pyetjes :

“Sa e ke rrogën”?!

Kjo pyetje ka të bëjë me hulumtimin se sa e ke të thellë xhepin dhe a mund të pritet ndonjë qerasje momentale diku , apo jo?!

Gjatë ndejës më të gjatë në mesin e një shoqërie , nuk mund t’i  shpëtosh pyetjes :

“Sa vjet i ke “?!

Nëse gjatë ndejës me një shoqëri në një tavolinë , do të paraqitesh dorëdhënës dhe kavalier që nuk i le të tjerët të paguajnë, atëherë me qëllim që të ta rrisin mendjen , nuk mund t’i shmangesh pyetjeve :

”Pse nuk po plakesh “?! Dhe:

“Hiq nuk je kah plakesh!”

Por, në rast se në rrethin shoqëror të tavolinës , do të paraqitesh koprrac dhe nuk do t’i qarrësish të tjerët , atëherë do të pasojnë pyetjet :

“Pse po plakesh “ ?! Dhe :

“Shpejt u plake !”

Njëra ndër pyetjet tjera të pashmangshme dhe më bajate , janë edhe ato që të shtrohen në vazhdimësi , gjatë rrugës nga kalimtarët e rastit :

“Ku ke “? Dhe:

“Ku po shkon “?

Pra, sipas kësaj logjike , njeriu i sotëm duhet që t’u japë llogari të gjithë kalimtarëve të rastit se ku ishte dhe ku do të shkojë ?!

Po qe se je duke u kthyer nga tregu për në shtëpi dhe ke në duar ndonjë valixhe me gjësende të blera në treg , atëherë gjatë tërë rrugës do të përballesh me pyetjet e kalimtarëve të rastit :

“Çka bleve”? Dhe:

“Nga sa i bleve” ?

Njeriu i pa djallëzuar , do të bëhet si ciceron , duke iu dhënë llogari kalimtarëve për shpenzimet e veta dhe gjërat e blera për familjarët e tij !

Po qe se i rri gati vetit dhe higjienës personale , atëherë po sa të dalësh në rrugët e qytetit , në çdo kontakt me kalimtarë dhe me persona që do të rrish në tavolinë , nuk mund të shpëtosh nga vërejtjet e tyre :

“Sot tek je rrua “!

Po, nëse rastësisht , ndonjë ditë e ke zënë punën asgjë dhe ke dalë në qytet i pa rruar, ti nuk mund t’iu shpëtosh vërejtjeve të kalimtarëve dhe shokëve :

“Sot nuk tek je rrua”?!

E njëjta gjë do të ndodhë edhe në rastet kur je i veshur mirë dhe pedantë !

Atë ditë, nuk do të mund t’iu shpëtosh kalimtarëve dhe njerëzve të kontaktit , pa të përgëzuar :

“Sot qenke veshur  bukur “!

Ndërsa të njëjtit njerëz , po i takove në ndonjë ditë pune , apo ndonjë rast kur nuk je veshur mirë dhe pedant , do ta tërheqin vërejtjen :

“Sot nuk qenke veshur bukur”!

Po qe se të rastisë të shkosh diku mysafir në një rreth , apo ambient të panjohur shoqëror , atëherë ti do të bombardohesh me pyetjet :

“Prej nga je” ? Dhe:

“Çfarë fisi je “?

Këto lloj pyetjesh , zakonisht bëhen nga njerëzit e prirë me xhelozi fisnore dhe krahinore,  me qëllim që të mësojnë se me kënd janë duke ndejë e biseduar !

Po qëllove prind që i ke fëmijët diku larg në kurbet , atëherë nuk ke se pse të takohesh me shokë, miq e dashamirë , nga se secili prej tyre , në vend se të pyesin për fëmijët , ata  pyetjen e parë që do ta bëjnë, është ajo :

“A po të çojnë para fëmijët” ?

Duke u nisur nga mentaliteti i ultë , lakmia për para dhe bindja se kurbetçinjtë presin para me kallëp të  tjegullave , ata madje edhe të urojnë :

“I lumi ti , që i ke fëmijët përjashta” !

Këto pyetje dhe urata , ata i bëjnë nga mosdija dhe naiviteti , duke mos e ditur se me këto pyetje e urata ia shpojnë zemrën prindërit të cilit i digjet zemra flakë nga malli dhe mungesa e fëmijëve të vet në familje e shtëpi !

Po si mund t’i  thuhet një prindi :”I lumi ti, që i ke fëmijët përjashta”?!...



(Vota: 5 . Mesatare: 5/5)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora