E hene, 26.07.2021, 10:57 PM (GMT+1)

Kulturë

Halil Haxhosaj: Din Mehmetit në amshim

E diele, 11.11.2012, 01:25 PM


Halil Haxhosaj

DYVJETOR AMSHIMI
(Din Mehmetit në amshim)

Në kafenenë “Miqësia e jetës sonë”
E takova mikun tim Din Mehmeti
Në tavolinën në këndin intim

Rrinim ulur përballë njëri-tjetrit
Për të pirë kafenë e porositur
Mbetur rikujtim në rrathët e miqësisë

Ishim shumë të përmalluar

Ai dukej i përtërirë në hijeshi
Thinjat nuk ia mbulonin flokët
Rrudhat nuk ia thellonin ballin
As nuk ia vijëzonin fytyrën

Ilaçet nuk i përdorte fare
Sepse sëmurjet kishin ndërruar
Dhimbje ofshama diagnoza

Jetë amshimi e përqafonte
Të mbushur me tjetër dritë ajër
Frymëmarrje buzëqeshje ecje

Mbi raftet e bibliotekave
Të kësaj jete të ndritur
E në tavolinën e frymëzimit
Rri hapur kompleti i veprave

Mbështjellë me krenari përjetësie
E lashë mikun tim Din Mehmeti
Në dyvjetorin e amshimit të tij

Lehtas u ngrit e hyri në poezi
Në vargje figura metafora
Në përjetësi u shndërrua

Kamerieri e solli kafenë
Fare nuk e shijova
I përmalluar e shikova
Më besoni

Gjakovë, më 12.11.2012.



(Vota: 5 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora